കൊച്ചി: അനന്തപുരി മതവിദ്വേഷക്കേസില്‍ ചോദ്യം ചെയ്യലിനായി ഹാജരാകാന്‍ അസൗകര്യം അറിയിച്ച് പി.സി ജോര്‍ജ്. ആരോഗ്യ പ്രശ്‌നങ്ങള്‍ കാരണം ഹാജരാകാന്‍ കഴിയില്ലെന്ന് പി.സി.ജോര്‍ജ് അറിയിച്ചു.

ചോദ്യം ചെയ്യല്‍ മറ്റൊരു ദിവസത്തേക്ക് മാറ്റി വയ്ക്കണമെന്നാണ് ആവശ്യം. തിരുവനന്തപുരം ഫോര്‍ട്ട് എസിപിക്കാണ് പി.സി ജോര്‍ജ് മറുപടി അയച്ചത്. തന്റെ അറസ്റ്റില്‍ നാളെ തൃക്കാക്കരയില്‍ മറുപടി നല്‍കുമെന്ന പി.സി ജോര്‍ജിന്റെ വെല്ലുവിളി നിലനില്‍ക്കെ നാളെ ചോദ്യം ചെയ്യലിന് ഹാജരാകണമെന്നാവശ്യപ്പെട്ട് പൊലിസ് ഇന്ന് നോട്ടീസ് നല്‍കിയിരുന്നു. നാളെ 11മണിക്ക് ഹാജരാവാനായിരുന്നു നിര്‍ദേശം.