മക്ക: ബദർ ദിനത്തിന്റെ സ്മരണകൾ ഉയർത്തിയ റമദാൻ 17 ന് മക്കയിലേക്ക് ഇസ്‍ലാം മത വിശ്വാസികളുടെ ഒഴുക്ക്. ശനിയാഴ്‌ച നടന്ന നിശാപ്രാർഥനയിൽ 10 ലക്ഷത്തിലേറെ വിശ്വാസികളാണ് പങ്കെടുത്തത്. റമദാൻ അവസാന പത്തിലേക്ക് നീങ്ങുന്നതോടെ വിശ്വാസികൾ കൂടുതലായി എത്തുകയാണ്. ഇനിയുള്ള ദിനരാത്രങ്ങളിൽ കൂടുതൽ പേർ എത്തുമെന്നാണ് കണക്ക്.

ഉംറക്കായി മുൻകൂട്ടി ബുക്ക് ചെയ്ത ആളുകൾ ലക്ഷക്കണക്കിന് പേർ എത്തുമെന്നതിനാൽ വിപുലമായ സൗകര്യങ്ങളാണ് ഹറം കാര്യാലയം ഉംറ തീർഥാടകകർക്കും സന്ദർശകർക്കുമായി ഒരുക്കിയിട്ടുള്ളത്. തറാവീഹ് നമസ്കാരവും മറ്റും നിർവഹിക്കുന്നതിന് വൻതോതിൽ വിശ്വാസികൾ എത്തിച്ചേരും. അവസാന പത്തിലെ തിരക്ക് മുന്നിൽ കണ്ട് പ്രധാന കവാടങ്ങൾ പലതും തുറന്നിട്ടുണ്ട്. 74, 84 കവാടങ്ങളും 87 മുതൽ 91 വരെയുള്ള കവാടങ്ങളും ഷുബൈക പ്രവേശന കവാടവും തുറന്നിട്ടുണ്ട്.

തിരക്ക് നിയന്ത്രിക്കാൻ മസ്ജിദുൽ ഹറമിൽ 4,000 ജീവനക്കാരെയും 200 സൂപ്പർവൈസർമാരെയും നിയമിച്ചിട്ടുണ്ട്. ഇതിൽ സ്ത്രീകളും പുരുഷന്മാരും ഉൾപ്പെടും. മക്കയിൽ എത്തുന്നവരിൽ നിരവധിപ്പേർ സംസം വെള്ളത്തിനായും എത്തുന്നത്. 800 തൊഴിലാളികളാണ് സംസം വെള്ളം നിറയ്ക്കാനും വിതരണം ചെയ്യാനുമായി നിയമിച്ചിട്ടുള്ളത്.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv