ചൈന: ചൈനയില്‍ ഭൂചലനത്തെതുടര്‍ന്ന് നാലു മരണം. തെക്കുപടിഞ്ഞാറന്‍ ചൈനയിലെ സിചുവാന്‍ പ്രവിശ്യയില്‍ ലുഷാന്‍ കൗണ്ടിയില്‍ ഇന്നുണ്ടായ തീവ്രതയുള്ള ഭൂചലനങ്ങളിലാണ് നാലു പേര്‍ മരിച്ചത്. 14 പേര്‍ക്ക് പരുക്കേറ്റു. വീടുകള്‍ തകരുകയും ട്രെയിന്‍ ഗതാഗതം തടസ്സപ്പെടുകയും ചെയ്തു. 6.1 തീവ്രതയുള്ള ഭൂചലനമാണ് റിപ്പോര്‍ട്ട് ചെയ്തതെന്ന് ചൈനീസ് ഔദ്യോഗിക മാധ്യമങ്ങള്‍ റിപ്പോര്‍ട്ട് ചെയ്തു.

ആദ്യ ഭൂചലനം ഉണ്ടായി നാലു സെക്കന്റിനകം ചൈനീസ് ദുരന്ത ലഘൂകരണ ഇന്‍സ്റ്റിറ്റ്യൂട്ട് യാന്‍ നഗരത്തില്‍ മുന്നറിയിപ്പ് സന്ദേശം നല്‍കി. ഭൂകമ്പമുണ്ടായ നഗരത്തില്‍ 10 ലക്ഷത്തോളം പേര്‍താമസിക്കുന്നുണ്ട്. 4,500 പേരെ ഭൂചലനം ബാധിച്ചു.