തിരുവനന്തപുരം: നന്ദിപ്രമേയ ചര്‍ച്ചയില്‍ കഴിഞ്ഞ പ്രതിപക്ഷത്തെ വിമര്‍ശിച്ചും ഇപ്പോഴത്തെ പ്രതിപക്ഷ നേതാവിനെ പുകഴ്ത്തിയും കെ.കെ ശൈലജ. പ്രളയം വന്നപ്പോള്‍ സംഭാവന കൊടുക്കരുത് എന്നുവരെ മുന്‍ പ്രതിപക്ഷം പറഞ്ഞുവെന്നും അവര്‍ കേരളത്തിലെ യശസ്സ് തകര്‍ക്കാന്‍ ശ്രമിച്ചെന്നും കെ.കെ ശൈലജ പറഞ്ഞു.

സതീശന്റെ ക്രിയാത്മക നിര്‍ദേശങ്ങളെ കോണ്‍ഗ്രസ് പിന്തുണച്ചില്ലെന്നും ക്രിയാത്മക പ്രതിപക്ഷത്തിന്റെ നേതാവാകാന്‍ സതീശന് കഴിയട്ടേയെന്നും അവര്‍ പറഞ്ഞു. നന്ദിപ്രമേയ ചര്‍ച്ചയ്ക്ക് തുടക്കമിട്ട ആദ്യ വനിതയെന്നനിലയില്‍ ചരിത്രത്തില്‍ ഇടംപിടിച്ച ശൈലജ കഴിഞ്ഞ സര്‍ക്കാരിന്റെ കൊവിഡ് പ്രതിരോധ നേട്ടങ്ങള്‍ എടുത്തുപറഞ്ഞു. മുന്‍ സര്‍ക്കാരിന്റെ കാലത്ത് കൊവിഡിനെ പ്രതിരോധിക്കാന്‍ സര്‍ക്കാര്‍ സ്വീകരിച്ച നടപടികള്‍ മികച്ചതാണ്.

കേരളത്തിലെ ഭരണസംവിധാനത്തെ കുറിച്ച് ലോകം ചര്‍ച്ച ചെയ്തു. ഗുഡ് ഗവേണന്‍സിന്റെ തുടര്‍ച്ചയാണ് നയപ്രഖ്യാപനമെന്നും ശൈലജ പറഞ്ഞു.