ന്യൂഡല്‍ഹി: ഹ്രസ്വകാല സൈനിക സേവന പദ്ധതിയായ അഗ്നിപഥിനെതിരെ നടക്കുന്ന പ്രതിഷേധത്തില്‍ വ്യാപക അക്രമം. ബിഹാറിലെ പ്രതിഷേധത്തിനിടെ വിവിധയിടങ്ങളില്‍ പ്രതിഷേധക്കാര്‍ പൊതുമുതലുകള്‍ക്ക് വ്യാപക നാശനഷ്ടം വരുത്തി. സമസ്തിപൂരിലും ലക്കിസാരയിലും ട്രെയിനുകള്‍ കത്തിച്ചു. സ്റ്റേഷനുകളില്‍ നിര്‍ത്തിയിട്ട ട്രെയിനുകളാണ് പ്രതിഷേധക്കാര്‍ കത്തിച്ചത്. ലക്കിസാരയിലെ മുഹ്‌യുദ്ധീനഗര്‍ സ്‌റ്റേഷനില്‍ ജമ്മുതാവി ഗുവാഹത്തി എക്‌സ്പ്രസിന്റെ രണ്ട് കോച്ചുകള്‍ക്കാണ് പ്രതിഷേധക്കാര്‍ തീയിട്ടത്.

യു.പിയിലും ബിഹാറിലും പൊതു പൊലിസ് വാഹനങ്ങളും പ്രതിഷേധക്കാര്‍ കത്തിച്ചു. ബിഹാറിലെ ബൊറെ റെയില്‍വേ സ്റ്റേഷന്‍ അടിച്ച് തകര്‍ത്തു. ട്രെയിനിന് തീയിട്ടു. ബസുകളുടെ ചില്ലുകള്‍ അടിച്ചു തകര്‍ത്തു. ബി.ജെ.പി എം.എല്‍.എയുടെ വീടിനു നേരെയും ആക്രമണമുണ്ടായി.

#WATCH | Telangana: Efforts are underway to douse the fire on a train which was set ablaze at Secunderabad railway station by agitators who are protesting against #AgnipathRecruitmentScheme pic.twitter.com/H2zkjKsjqT

— ANI (@ANI) June 17, 2022

ഉത്തര്‍പ്രദേശിലെ ബല്ലിയ റെയില്‍വേ സ്റ്റേഷന്‍ പ്രതിഷേധക്കാര്‍ അടിച്ചുതകര്‍ത്തു. ഇവിടെ സ്ഥിതി ഇപ്പോള്‍ നിയന്ത്രണ വിധേയമാണെന്ന് പൊലീസ് അറിയിച്ചു. ഹരിയാനയിലെ പല്‍വലില്‍ മൊബൈല്‍ ഇന്റര്‍നെറ്റും എസ്.എം.എസ് സൗകര്യവും അധികൃതര്‍ വിച്ഛേദിച്ചു. പ്രതിഷേധങ്ങള്‍ മധ്യപ്രദേശിലേക്കും വ്യാപിക്കുന്നുണ്ട്.

അതേസമയം 'അഗ്‌നിപഥ്' നിയമനത്തിന് അപേക്ഷിക്കാന്‍ ഉള്ള ഉയര്‍ന്ന പ്രായപരിധിയി കേന്ദ്ര സര്‍ക്കാര്‍ ഉയര്‍ത്തി. 21ല്‍ നിന്ന് 23 വയസിലേക്കാണ് ഉയര്‍ത്തിയത്. അതേസമയം ഇളവ് ഈ വര്‍ഷത്തേക്ക് മാത്രമാണെന്നും കേന്ദ്രം വ്യക്തമാക്കി. രണ്ട് വര്‍ഷമായി റിക്രൂട്ട്‌മെന്റ് നടക്കാത്ത സാഹചര്യത്തിലാണ് ഒറ്റത്തവണ ഇളവ് നല്‍കുന്നതെന്നും കേന്ദ്രം വിശദീകരിച്ചിട്ടുണ്ട്.

#WATCH | Telangana: Stalls vandalised, train set ablaze and its windows broken at Secunderabad railway station by agitators who are protesting against #AgnipathRecruitmentScheme pic.twitter.com/zFNgJ2MEgD

— ANI (@ANI) June 17, 2022