അബൂദബി: ഖത്തറിനെതിരായ ഇസ്റാഈലിന്റെ ഭീരുത്വപരമായ ആക്രമണത്തെയും ഇസ്റാഈൽ പ്രധാനമന്ത്രി ബെഞ്ചമിൻ നെതന്യാഹുവിന്റെ പ്രസ്താവനകളെയും ശക്തമായി അപലപിച്ച് യുഎഇ. ഇതിന്റെ ഭാഗമായി യുഎഇ അന്താരാഷ്ട്ര സഹകരണ സഹമന്ത്രി റീം ബിൻത് ഇബ്രാഹിം അൽ ഹാഷിമി, യുഎഇയിലെ ഇസ്റാഈലി ഡെപ്യൂട്ടി ഹെഡ് ഓഫ് മിഷൻ ഡേവിഡ് ഒഹാദ് ഹോർസാൻഡിയെ വിളിച്ചുവരുത്തി പ്രതിഷേധം അറിയിച്ചു.

ദോഹയിലെ ആക്രമണം ഖത്തറിന്റെ പരമാധികാരത്തിന് മേലുള്ള കടന്നുകയറ്റവും അന്താരാഷ്ട്ര നിയമങ്ങളുടെയും യുഎൻ ചാർട്ടറിന്റെയും ഗുരുതരമായ ലംഘനവുമാണെന്നും മന്ത്രി അൽ ഹാഷിമി വ്യക്തമാക്കി. ഇത്തരം നടപടികൾ പ്രാദേശിക, അന്തർദേശീയ സമാധാനത്തിനും സുരക്ഷയ്ക്കും ഭീഷണിയുയർത്തുന്ന നിരുത്തരവാദപരമായ പ്രവർത്തനമാണെന്നും അവർ കുറ്റപ്പെടുത്തി.

ALSO READ: 'ഒരു നിയന്ത്രണവുമില്ലാതെ എല്ലാ അതിരുകളും ഭേദിച്ച ആക്രമണത്തെ ദുര്‍വ്യാഖ്യാനം നല്‍കി ന്യായീകരിക്കുന്നു' യു.എന്‍ രക്ഷാസമിതിയില്‍ ഇസ്‌റാഈലിനെതിരെ ആഞ്ഞടിച്ച് ഖത്തര്‍ പ്രധാനമന്ത്രി

ഖത്തറിന്റെ സുരക്ഷയും സ്ഥിരതയും ഗൾഫ് സഹകരണ കൗൺസിൽ (ജിസിസി) രാജ്യങ്ങളുടെ സുരക്ഷയുടെ അവിഭാജ്യ ഘടകമാണെന്ന് മന്ത്രി വ്യക്തമാക്കി. ജിസിസി അംഗരാജ്യത്തിനെതിരായ ഏത് ആക്രമണവും ഗൾഫ് രാജ്യങ്ങളുടെ കൂട്ടായ സുരക്ഷാ ചട്ടക്കൂടിനെതിരായ ആക്രമണമായി കണക്കാക്കുമെന്നും അവർ വ്യക്തമാക്കി.

ഇസ്റാലിന്റെ ശത്രുതാപരവും പ്രകോപനപരവുമായ പ്രസ്താവനകൾ മേഖലയിലെ സ്ഥിരതയെ ദുർബലപ്പെടുത്തുകയും അപകടകരമായ സാഹചര്യങ്ങളിലേക്ക് നയിക്കുകയും ചെയ്യുമെന്ന് മന്ത്രി മുന്നറിയിപ്പ് നൽകി. ഇത്തരം നടപടികൾ അവഗണിക്കാനാവാത്തതും അസ്വീകാര്യവുമാണെന്നും അവർ കൂട്ടിച്ചേർത്തു.

സെപ്റ്റംബർ 9-നാണ് ഖത്തറിന്റെ തലസ്ഥാനമായ ദോഹയിൽ ഇസ്റാഈൽ വ്യോമാക്രമണം നടത്തിയത്. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പിന്തുണയോടെ മുന്നോട്ടുവച്ച വെടിനിർത്തൽ നിർദേശം ചർച്ച ചെയ്യാൻ ഹമാസ് ഉദ്യോഗസ്ഥർ ഒത്തുകൂടിയ കെട്ടിടത്തെ ലക്ഷ്യമിട്ടാണ് ആക്രമണം നടന്നത്. 15 ഇസ്റാഈൽ യുദ്ധവിമാനങ്ങൾ 10-ലധികം പ്രിസിഷൻ ബോംബുകൾ പ്രയോഗിച്ചതായി റിപ്പോർട്ടുകൾ വ്യക്തമാക്കുന്നു.

ALSO READ: 'ഖത്തറിനെതിരായ ആക്രമണം ലക്ഷ്യം കണ്ടില്ല' പരാജയം സമ്മതിച്ച് ഇസ്‌റാഈല്‍ സുരക്ഷാ വിഭാഗം 

ആക്രമണത്തിൽ ഒരു ഖത്തർ സുരക്ഷാ ഉദ്യോഗസ്ഥനും ഹമാസിന്റെ മുതിർന്ന നേതാവ് ഖലീൽ അൽ ഹയ്യയുടെ മകനും ഉൾപ്പെടെ ആറ് പേർ കൊല്ലപ്പെട്ടിരുന്നു.

ഇസ്റാഈൽ ആക്രമണം അറബ് രാഷ്ട്രങ്ങളുടെയും അന്താരാഷ്ട്ര നിരീക്ഷകരുടെയും കടുത്ത അപലപനത്തിന് ഇടയാക്കി. ഇസ്റാഈൽ ആക്രമണം ഖത്തറിന്റെ പരമാധികാരത്തിന്റെ മേലുള്ള കടന്നുകയറ്റവും ഗസ്സയിലെ സമാധാന ശ്രമങ്ങളെ തകർത്തുവെന്നാണ് ആരോപണം. ഈ സംഭവത്തിന്റെ പശ്ചാത്തലത്തിലാണ് ഈജിപ്ത് തങ്ങളുടെ മണ്ണിൽ ഹമാസിനെതിരായ ഏതൊരു ആക്രമണത്തിനും 'വിനാശകരമായ പ്രത്യാഘാതങ്ങൾ' ഉണ്ടാകുമെന്ന് മുന്നറിയിപ്പ് നൽകിയത്.

The UAE strongly condemned the Israeli attack on Doha, Qatar, labeling it a violation of sovereignty and international law. UAE Minister Reem Al Hashimi summoned Israel's Deputy Head of Mission to denounce the aggression and provocative statements by Israeli PM Netanyahu, warning of threats to regional stability.