തൃശൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസില്‍ ടിക്‌ടോക് താരം റിമാന്‍ഡില്‍. വടക്കാഞ്ചേരി സ്വദേശി കുമ്പളങ്ങാട്ട് കള്ളിയത്ത് പറമ്പില്‍ വിഘ്‌നേഷ് കൃഷ്ണ (അമ്പിളി 19) യെയാണ് പൊലിസ് അറസ്റ്റ് ചെയ്തത്. മൊബൈല്‍ ഫോണിലൂടെ പരിചയപ്പെട്ട പെണ്‍കുട്ടിയെ ഇയാള്‍ പീഡിപ്പിച്ച് ഗര്‍ഭിണിയാക്കിയെന്നാണ് പരാതി.

കേസെടുത്തതോടെ യുവാവ് ഒളിവില്‍ പോവുകയായിരുന്നു. വിദേശത്തേക്ക് കടക്കാനുള്ള ശ്രമത്തിനിടെ തന്ത്രപൂര്‍വം കെണിയൊരുക്കിയാണ് വിഘ്‌നേഷിനെ പിടികൂടിയതെന്ന് പൊലിസ് പറഞ്ഞു. കഴിഞ്ഞ വര്‍ഷമാണ് വെള്ളിക്കുളങ്ങര സ്വദേശിയായ 17കാരിയുമായി ടിക്‌ടോക് താരമായ അമ്പിളിയെന്നറിയപ്പെടുന്ന വിഘ്‌നേഷ് പരിചയത്തിലാകുന്നത്.