തിരുവനന്തപുരം: യുവതിയെ കൊന്ന് യുവാവ് ജീവനൊടുക്കി. കല്ലറ പുലിപ്പാറ സ്വദേശി സുമി (18), വെഞ്ഞാറമ്മൂട് കീഴായിക്കോണം സ്വദേശി ഉണ്ണിക്കുട്ടന്‍ (21) എന്നിവരെയാണ് ഞായറാഴ്ച രാത്രി ശാസ്താംകുന്ന് പഴവിളയിലെ റബ്ബര്‍ത്തോട്ടത്തില്‍ മരിച്ച നിലയില്‍ കണ്ടത്.

സുമിയുടെ മൃതദേഹം നിലത്ത് കിടക്കുന്ന നിലയിലും ഉണ്ണിയെ തൂങ്ങിമരിച്ച നിലയിലുമാണ് കണ്ടെത്തിയത്. ഉണ്ണി സുമിയെ കഴുത്തു ഞെരിച്ച് കൊലപ്പെടുത്തിയതാണെന്നാണു പൊലീസ് നിഗമനം.

മൃതദേഹങ്ങള്‍ തിരുവനന്തപുരം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുകയാണ്.