ജിദ്ദ: മലപ്പുറം താനൂർ ഒട്ടുമ്പുറം തൂവൽതീരത്തെ ദാരുണമായ ബോട്ട് ദുരന്തത്തിൽ സമസ്ത ഇസ്‌ലാമിക് സെന്റർ സഊദി നാഷണൽ കമ്മിറ്റി അഗാധമായ ദുഃഖം രേഖപ്പെടുത്തി. ദുരന്തത്തിൽ മരണപ്പെട്ടവർക്ക് വേണ്ടിയും ബന്ധുക്കളുടെ വിയോഗത്തിൽ വേദന അനുഭവിക്കുന്ന കുടുംബങ്ങൾക്ക് വേണ്ടിയും പ്രാർത്ഥിക്കണമെന്നും മജ്ലിസുകളിൽ പ്രത്യേക സദസുകളും ഖബറടക്കങ്ങൾക്ക് ശേഷം മയ്യത് നിസ്കാരങ്ങളും സംഘടിപ്പിക്കണമെന്നും സമസ്ത ഇസ്‌ലാമിക് സെന്റർ സഊദി ദേശീയ പ്രസിഡന്റ് സയ്യിദ് ഉബൈദുല്ല തങ്ങൾ അൽ ഹൈദ്റൂസി, ജനറൽ സിക്രട്ടറി അബ്ദുറഹ്മാൻ മൗലവി അറക്കൽ, ട്രഷറർ ഇബ്‌റാഹീം ഓമശേരി എന്നിവർ ആഹ്വാനം ചെയ്തു.