മദീന: മദീനയിലെ വിശുദ്ധ മസ്ജിദുന്നബവിയിലും മസ്ജിദ് അൽ ഖുബായിലും ഇമാമായിരുന്ന ശൈഖ് മുഹമ്മദ് ഖലീൽ ആൽഖാരിഅ് അന്തരിച്ചു. ഇന്നു വൈകിട്ട് മഗ്‌രിബ് നമസ്‌കാരാനന്തരം മസ്ജിദുന്നബവിൽ നടക്കുന്ന ജനാസ നമസ്‌കാര ശേഷം മദീനയിലെ ജന്നത്തുൽ ബഖീഅ് ഖബർ സ്ഥാനിൽ മറവു ചെയ്യും.

പിതാവും സഹോദരങ്ങളുമെല്ലാം സഊദിയിലെ പ്രസിദ്ധരായ പണ്ഡിതന്മാരാണ്. പിതാവും സഹോദരങ്ങളും മസ്ജിദുന്നബവിയിൽ തറാവീഹ് നമസ്‌കാരങ്ങൾക്ക് നേതൃത്വം നൽകിയിട്ടുണ്ട്. നിരവധി ശിക്ഷ്യന്മാരും വിശാല സുഹൃദ് വലയവുമുണ്ടായിരുന്ന ശൈഖിന്റെ നിര്യാണത്തിൽ നിരവധി പേർ അനുശോചനം അറിയിച്ചു. ഹിജ്‌റ 1437 ലും 1438 ലും റമദാൻ മാസത്തിൽ പ്രവാചകന്റെ മസ്ജിദിൽ നേതൃത്വം നൽകിയിരുന്നത് ഇദ്ദേഹമായിരുന്നു.