തിരുവനന്തപുരം: സംസ്ഥാനത്തെ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷാഫലം പ്രഖ്യാപിച്ചു. 83.87ശതമാനമാണ് വിജയം. കഴിഞ്ഞവര്‍ഷത്തേക്കാള്‍ കുറവാണിതെന്ന് വിദ്യാഭ്യാസ മന്ത്രി വി ശിവന്‍കുട്ടി അറിയിച്ചു. 87.94 ശതമാനമായിരുന്നു കഴിഞ്ഞ വര്‍ഷത്തെ വിജയശതമാനം. 12 മണി മുതല്‍ ഓണ്‍ലൈനായി ഫലം ലഭ്യമാകും.

 3,61,091 പേരെഴുതിയ പരീക്ഷയില്‍ 3,02,865 പേരാണ് വിജയിച്ചത്. സര്‍ക്കാര്‍ സ്‌കൂളുകളില്‍ 81.72% വും എയ്ഡഡ് സ്‌കൂളുകളില്‍ 86.02% വും അണ്‍ എയ്ഡ്ഡ് സ്‌കൂളുകളില്‍ 81.12% വും ടെക്‌നിക്കല്‍ സ്‌കൂളുകളില്‍ 68.71% വും ആണ് വിജയം. 

സയന്‍സ് 86.14%, ഹുമാനിറ്റീസ് 76.65 %, കൊമേഴ്‌സ് 85.69 %. സര്‍ക്കാര്‍ സ്‌കൂളുകളില്‍ 81.72 ശതമാനവുമാണ് വിജയം. എയ്ഡഡ് സ്‌കൂളുകളില്‍ 86.02 ശതമാനവും അണ്‍ എയ്ഡഡ് സ്‌കൂളുകളില്‍ 81.12 ശതമാനവുമാണ് വിജയം.

മാര്‍ച്ച് 30 മുതല്‍ ഏപ്രില്‍ 22 വരെയായിരുന്നു പ്ലസ്ടു പരീക്ഷകള്‍ നടന്നത്. മെയ് മൂന്ന് മുതലായിരുന്നു പ്രാക്ടിക്കല്‍ പരീക്ഷകള്‍.
പ്ലസ്ടുവില്‍ 4,22,890 പേരും വി.എച്ച്.എസ്.ഇയില്‍ 29,711 പേരുമാണ് ഫലം കാത്തിരിക്കുന്നത്. 2,19,545 ആണ്‍കുട്ടികളും 2,12,891 പെണ്‍കുട്ടികളുമാണ് ഫലം കാത്തിരിക്കുന്നത്.

2005 കേന്ദ്രങ്ങളിലാണ് പരീക്ഷ നടന്നത്. ഗള്‍ഫ് മേഖലയില്‍ എട്ട് കേന്ദ്രങ്ങളിലും ലക്ഷദ്വീപില്‍ ഒമ്പത് കേന്ദ്രങ്ങളിലും പരീക്ഷ നടന്നു.
ഹയര്‍ സെക്കന്‍ഡറി കെമിസ്ട്രി പരീക്ഷയെക്കുറിച്ച് വ്യാപക പരാതി ഉയര്‍ന്നിരുന്നു. ഇതിന് പിന്നാലെ ആദ്യം വന്ന ഉത്തരസൂചിക വിവാദമായി. പിന്നീട് പുതിയ ഉത്തരസൂചിക തയ്യാറാക്കിയാണ് മൂല്യനിര്‍ണയം നടത്തിയത്. ഫലം ലഭ്യമാകുന്ന വെബ്സൈറ്റുകള്‍: www.results.kerala.gov.inwww.examresults.kerala.gov.inwww.dhsekerala.gov.inwww.keralaresults.nic.inwww.prd.kerala.gov.inwww.results.kite.kerala.gov.in