ജയ്പൂര്‍: പശുവിനെ കടത്തിയെന്ന് ആരോപിച്ച് ജനക്കൂട്ടം യുവാവിനെ തല്ലിക്കൊന്നു. മധ്യപ്രദേശ് സ്വദേശിയായ ബാബുലാല്‍ ഭില്‍ എന്നയാളാണ് കൊല്ലപ്പെട്ടത്. ബാബുലാലിന്റെ ഒപ്പമുണ്ടായിരുന്ന പിന്റു എന്നയാള്‍ ഗുരുതരമായി പരുക്കേറ്റ് ചികിത്സയിലാണ്.

പശുക്കളുമായി വന്ന വാഹനം തടഞ്ഞുനിര്‍ത്തിയ ശേഷം ഇരുവരെയും പുറത്തിറക്കി മര്‍ദിക്കുകയായിരുന്നു.
പൊലിസെത്തിയാണ് ഇരുവരെയും ആശുപത്രിയില്‍ എത്തിച്ചത്. എന്നാല്‍ ചികിത്സയിലിരിക്കെ ബാബുലാല്‍ മരിച്ചു

ഇവരുടെ ഫോണുകളും പണവും അക്രമികള്‍ മോഷ്ടിക്കുകയും ചെയ്തു. പൊലിസിനെ കണ്ടതോടെ ആള്‍ക്കൂട്ടം ഓടിരക്ഷപ്പെടുകയും ചെയ്തു. സംഭവവുമായി ബന്ധപ്പെട്ട് ചിലരെ കസ്റ്റഡിയിലെടുത്തതായി പൊലിസ്‌ പറയുന്നു.