സര്‍ക്കാര്‍ ഡോക്ടര്‍മാര്‍ സമരം പിന്‍വലിച്ചു

തിരുവനന്തപുരം: കൊട്ടാരക്കര താലൂക്ക് ആശുപത്രിയില്‍ ഡോ. വന്ദന ദാസ് ദാരുണമായി കൊലചെയ്യപ്പെട്ടതില്‍ പ്രതിഷേധിച്ച് കെ.ജി.എം.ഒ.എ നടത്തി വന്ന 48 മണിക്കൂര്‍ പ്രതിഷേധ സമരം പിന്‍വലിച്ചു. ഇന്ന് നടന്ന യോഗത്തില്‍ സംഘടന മുന്നോട്ടുവച്ച ആവശ്യങ്ങള്‍ സംബന്ധിച്ചുണ്ടായ തീരുമാനങ്ങളുടെ പശ്ചാത്തലത്തിലാണ് സമരം തുടരേണ്ടതില്ലെന്ന തീരുമാനം.

അതേസമയം തൊഴിലിടങ്ങളിലെ സുരക്ഷ പൂര്‍ണമായും ഉറപ്പാക്കുന്നതുവരെ വി.ഐ.പികളുടെ സുരക്ഷയുമായി ബന്ധപ്പെട്ട അകമ്പടി ഡ്യൂട്ടിയില്‍നിന്ന് വിട്ടുനില്‍ക്കുമെന്നും ഭാരവാഹികള്‍ അറിയിച്ചു.