കവരത്തി: ചലച്ചിത്രപ്രവര്‍ത്തകയും ആക്റ്റിവിസ്റ്റുമായ ഐഷ സുല്‍ത്താന കവരത്തി പൊലിസിന് മുമ്പാകെ ചോദ്യം ചെയ്യലിന് ഹാജരായി. അഭിഭാഷകന് ഒപ്പമാണ് ഐഷ സുല്‍ത്താന കവരത്തി പൊലിസിന് മുമ്പാകെ ഹാജരായിരിക്കുന്നത്.
കവരത്തിയിലെ ലക്ഷദ്വീപ് എസ്.എസ്.പി ഓഫീസിലാണ് ഐഷ ഹാജരായത്. വൈകുന്നേരം നാലു മണിക്കാണ് ഐഷ എസ.എസ്.പി. ഓഫീസില്‍ ഹാജരായത്.

ബയോവെപ്പണ്‍ പരാമര്‍ശത്തില്‍ ബി.ജെ.പി ലക്ഷദ്വീപ് ഘടകം പ്രസിഡന്റ് സി അബ്ദുല്‍ ഖാദര്‍ ഹാജിയാണ് ഐഷക്കെതിരെ പരാതി നല്‍കിയത്.

ചോദ്യം ചെയ്യലിന് ഹാജരാകാന്‍ ഹൈക്കോടതി ഐഷക്ക് നിര്‍ദേശം നല്‍കുകയായിരുന്നു. പൊലിസ് അറസ്റ്റ് രേഖപ്പെടുത്തിയാല്‍ ജാമ്യത്തില്‍ വിട്ടയക്കണമെന്ന് കോടതി നിര്‍ദേശിച്ചിട്ടുണ്ട്. ഐഷയുടെ അറസ്റ്റ് രേഖപ്പെടുത്തിയാലും അഭിഭാഷകന്റെ സാന്നിധ്യത്തില്‍ മാത്രമേ ചോദ്യംചെയ്യാവൂ എന്നും കോടതി വ്യക്തമാക്കിയിരുന്നു.