ജിദ്ദ: യോഗയുടെ പഠനവും പരിശീലനവുമായി സഹകരിക്കാന്‍ ഇന്ത്യയും സഊദിയും തമ്മില്‍ ധാരണാപത്രം ഒപ്പുവച്ചു. സഊദിയുമായുണ്ടാക്കിയ ഈ ധാരണയാണ് ​ അന്താരാഷ്​ട്ര യോഗ ദിനാചരണത്തിന്റെ ഏറ്റവും വലിയ പ്രാധാന്യം എന്നും ഇത്തരത്തിലൊരു ചുവടുവെപ്പ്​​ ഗള്‍ഫ്​ മേഖലയില്‍ തന്നെ ആദ്യമായാണെന്നും​ റിയാദിലെ ഇന്ത്യന്‍ എംബസി വ്യക്തമാക്കി.
ഇന്ത്യയുടെ ആയുഷ്​ മന്ത്രാലയത്തിന്​ കീഴില്‍ പ്രവര്‍ത്തിക്കുന്ന മൊറാര്‍ജി ദേശായി നാഷനല്‍ ഇന്‍സ്​റ്റിറ്റ്യൂട്ട്​ ഓഫ്​ യോഗയും സഊദി കായിക മന്ത്രാലയത്തിലെ ലീഡേഴ്​സ്​ ഡവലപ്​മെന്‍റ്​ ഇന്‍സ്​റ്റിറ്റ്യൂട്ടും തമ്മിലാണ്​ ധാരാണാപത്രം ഒപ്പുവെച്ചത്​.

യോഗയെ ഭാരതീയ തനിമയോടെ അവതരിപ്പിക്കുന്നതിനും രാജ്യത്താകെ യോഗ പരിശീലന കോഴ്​സുകള്‍ ആരംഭിക്കുന്നതിനും ധാരണാപത്രം വഴിയൊരുക്കും.ഇതോടെ, യോഗയുടെ മേഖലയില്‍ ഗവേഷണം, പഠനം, പരിശീലനം എന്നിവക്കുള്ള സൗകര്യമൊരുക്കാന്‍ ഇരു രാജ്യങ്ങളും സഹകരിച്ച്‌​ പ്രവര്‍ത്തിക്കാനും ധാരണയായി. അന്താരാഷ്​ട്ര യോഗ ദിനമായ തിങ്കളാഴ്​ചയാണ് റിയാദില്‍ നടന്ന ചടങ്ങില്‍ ഇരു രാജ്യങ്ങളുടെയും പ്രതിനിധികള്‍ ഒപ്പിട്ട് ധാരണാപത്രം കൈമാറിയത്.