ആറാം റാങ്ക് മലയാളി ഗഹാന നവ്യ ജെയിംസിന്

ന്യൂഡല്‍ഹി: സിവില്‍ സര്‍വീസ് പരീക്ഷാഫലം പ്രസിദ്ധീകരിച്ചു. ഇഷിതാ കിഷോറിനാണ് ഒന്നാം റാങ്ക്. ആദ്യ നാല് റാങ്ക് പെണ്‍കുട്ടികള്‍ക്കാണ്. മലയാളിയായ ഗഹാനാ നവ്യ ജെയിംസ് ആറാം റാങ്ക് നേടി. ഗരിമ ലോഹിയ, ഉമാ ഹാരതി, സ്മൃതി മിശ്ര എന്നിവരാണ് രണ്ട്, മൂന്ന് നാല് റാങ്കുകള്‍ നേടിയത്. ആര്യ വി എം ആണ് കേരളത്തില്‍ നിന്ന് രണ്ടാം റാങ്ക്. പരീക്ഷയില്‍ മുപ്പത്തിയാറാം റാങ്കാണ് ആര്യ വി എം നേടിയത്. അനൂപ് ദാസിന് പരീക്ഷയില്‍ മുപ്പത്തിയെട്ടാം റാങ്ക് ലഭിച്ചു. പരീക്ഷയില്‍ ആദ്യ നാലുറാങ്കും പെണ്‍കുട്ടികളാണ് നേടിയത്. സിവില്‍ സര്‍വീസ് പരീക്ഷ പാസായ 933 പേരുടെ പട്ടികയാണ് യുപിഎസ് സി പ്രഖ്യാപിച്ചത്. ജനറല്‍ വിഭാഗത്തില്‍ 345 പേരാണ് യോഗ്യത നേടിയത്.