വാടാനപ്പള്ളി: ബീച്ച് മേഖലയില്‍ ബൈക്കുകളില്‍ നിന്നും പെട്രോള്‍ ഊറ്റുന്നത് പതിവാകുന്നു. മത്സ്യവില്‍പന നടത്തുന്ന തൊഴിലാളികളുടെ ബൈക്കുകളില്‍ നിന്നുമാണ് നിരന്തരമായി പെട്രോള്‍ ഊറ്റുന്നത്.
വൈകിട്ട് പെട്രോള്‍ അടിച്ച ശേഷമാണ് വണ്ടികള്‍ പാര്‍ക്ക് ചെയ്യുന്നത്. രാവിലെ മാര്‍ക്കറ്റിലേക്ക് പോകുവാനായി എത്തുമ്പോഴാണ് വണ്ടിയില്‍ നിന്നും പെട്രോള്‍ ഊറ്റിയതായി കണ്ടെത്തുക. കൂടാതെ മത്സ്യം ഇടുന്ന കൊട്ടകളും പാത്രങ്ങളും മോഷണം പോവുന്നതും പതിവാകുന്നതായി മത്സ്യ തൊഴിലാളികള്‍ പരാതിപ്പെടുന്നു.