കെ.എസ്.ആര്‍.ടി.സി ബസില്‍ യുവതിക്ക് നേരെ ലൈംഗികാതിക്രമം; ഡ്രൈവര്‍ അറസ്റ്റില്‍

കോഴിക്കോട്: കോഴിക്കോട് കെ.എസ്.ആര്‍.ടി.സി ബസില്‍ യുവതിയെ അപമാനിക്കാന്‍ ശ്രമിച്ച ഡ്രൈവറുടെ അറസ്റ്റ് രേഖപ്പെടുത്തി. കാരന്തൂര്‍ സ്വദേശി ഇബ്രാഹിമിനെയാണ് കുന്നമംഗലം പൊലീസ് അറസ്റ്റ് ചെയ്തത്. ഇയാളെ ഇന്ന് കോടതിയില്‍ ഹാജരാക്കും.

കോഴിക്കോട് മാനന്തവാടി എസ്ആര്‍ടിസി ബസില്‍ ചൊവ്വാഴ്ച്ച രാത്രിയാണ് സംഭവം ഉണ്ടായത്. ബസില്‍ തിരക്കായതിനാല്‍ സീറ്റ് ഒഴിവുണ്ടായിരുന്നില്ല. യുവതിയോട് ബസിന്റെ ബോണറ്റിലിരുന്നുകൊള്ളാന്‍ ഡ്രൈവര്‍ പറഞ്ഞതനുസരിച്ച് യുവതി അവിടെയാണ് ഇരുന്നിരുന്നത്. ഇതിനിടെ ഡ്രൈവര്‍ അശ്ലീല ചുവയോടെ സംസാരിച്ചുവെന്നും ശരീരത്തില്‍ സ്പര്‍ശിച്ചുവെന്നും യുവതി പറയുന്നു. സംഭവത്തില്‍ കേസെടുത്ത കുന്നമംഗലം പൊലീസ് യുവതിയുടെ മൊഴി രേഖപ്പെടുത്തി. ഇയാളെ ബുധനാഴ്ച്ച കോടതിയില്‍ ഹാജരാക്കും.