ചേളാരി: സമസ്ത കേരള ജംഇയ്യത്തുല്‍ ഉലമാ സ്ഥാപക ദിനം നാളെ വിവിധ പരിപാടികളോടെ ആചരിക്കുന്നു. പോഷക സംഘടനകളുടെ സഹകരണത്തോടെ കൊവിഡ് പ്രോട്ടോക്കോള്‍ പാലിച്ചു കൊണ്ട് സമസ്ത ജില്ലാ കമ്മിറ്റികളുടെ നേതൃത്വത്തിലാണ് സ്ഥാപക ദിനാഘോഷം നടക്കുന്നത്.
പതാക ഉയര്‍ത്തല്‍, മഹാന്മാരുടെ ഖബര്‍ സിയാറത്ത്, ഓണ്‍ലൈന്‍ പ്രഭാഷണം, പ്രാര്‍ഥനാ സദസ്സ് എന്നീ പരിപാടികളാണ് പ്രധാനമായും നടക്കുന്നത്.സ്ഥാപകദിനത്തിന്റെ ഭാഗമായി ഇന്ന് വൈകീട്ട് നാലിന് സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, വൈസ്പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ പാണക്കാട്, ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ എന്നിവരുടെ നേതൃത്വത്തില്‍ വരക്കല്‍ മഖാം സിയാറത്തും പതാക ഉയര്‍ത്തലും നടക്കും.
പരിപാടി തത്സമയം സുപ്രഭാതം വെബ്ചാനലില്‍ സംപ്രേഷണം ചെയ്യും.