തിരുവനന്തപുരം: തിരുവനന്തപുരം നഗരത്തില്‍ 100 കിലോ കഞ്ചാവ് പിടികൂടി. പേട്ട പൊലിസാണ് കഞ്ചാവ് പിടിച്ചെടുത്തത്.

രാവിലെ പൂജപ്പുരയില്‍ നിന്ന് ശ്രീറാമെന്നയളെ 11 കിലോ കഞ്ചാവുമായി പൊലിസ് പിടികൂടിയിരുന്നു. നഗരത്തില്‍ കഞ്ചാവ് വില്‍പ്പന നടത്തുന്ന ഇയാളില്‍ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് ആളൊഴിഞ്ഞ പറമ്പില്‍ നിന്ന് 100 കിലോയിലധികം കഞ്ചാവ് പിടികൂടിയത്. ചാക്കില്‍ കെട്ടി അടുക്കി വെച്ച നിലയിലായിരുന്നു കഞ്ചാവ്.

സംഭവസ്ഥലത്തുണ്ടായിരുന്ന തമിഴ്‌നാട് സ്വദേശി മുഹമ്മദ് മൊയ്തീനെ പൊലിസ് അറസ്റ്റ് ചെയ്തിട്ടുണ്ട്.