രാമനാട്ടുകര: കോഴിക്കോട് രാമനാട്ടുകരയില്‍ ജീപ്പും ലോറിയും കൂട്ടിയിടിച്ച് രണ്ട് മരണം. ദേശീയപാതയില്‍ രാമനാട്ടുകര ഫ്ളൈ ഓവറിന് താഴെ പുലര്‍ച്ചെ രണ്ടരയോടെയാണ് സംഭവം. ജീപ്പിലുണ്ടായിരുന്ന കോട്ടയം സ്വദേശികളായ ശ്യാം വി ശശി, ജോര്‍ജ് എന്നിവരാണ് മരിച്ചത്.

തൃശൂര്‍ ഭാഗത്തേക്ക് പോകുകയായിരുന്ന ജീപ്പും കോഴിക്കോട് ഭാഗത്തേക്ക് വരുകയായിരുന്ന ലോറിയും നേര്‍ക്കുനേര്‍ കൂട്ടിയിടിക്കുകയായിരുന്നു.