കണ്ണൂര്‍: പിജെ ആര്‍മി എന്ന സമൂഹമാധ്യമ കൂട്ടായ്മയുടെ പേര് മാറ്റി. റെഡ് ആര്‍മി എന്നാണ് പുതിയ പേര്. അര്‍ജുന്‍ ആയങ്കിയും ആകാശ് തില്ലങ്കേരിയും ഉള്‍പ്പെടെയുള്ള ഫേസ്ബുക്ക് പേജ് പി.ജയരാജനെ അനുകൂലിക്കുന്നവരുടെ കൂട്ടായ്മയാണ്.

ക്വട്ടേഷന്‍ സംഘങ്ങളുമായി ബന്ധമുള്ള പാര്‍ട്ടി പ്രവര്‍ത്തകര്‍ക്കെതിരെ കര്‍ശന നടപടി സ്വീകരിക്കാനുള്ള സി.പി.എം തീരുമാനത്തിന് പിന്നാലെയാണ് ഫേസ്ബുക്ക് പേജിന്റെ പേരുമാറ്റിയത്.

പ്രൊഫൈല്‍ പിക്ചറില്‍ നിന്ന് പി ജയരാജന്റെ ചിത്രം ഒഴിവാക്കി അരിവാള്‍ ചുറ്റിക നക്ഷത്രമാണ് പോസ്റ്റ് ചെയ്തിരിക്കുന്നത്.

2019 മെയ് 10നാണ് പേജ് രൂപീകരിച്ചത്. വോട്ട് ഫോര്‍ പി ജെ എന്ന പേരിലായിരുന്നു ജയരാജന്‍ ഫാന്‍സുകാര്‍ ചേര്‍ന്ന് പേജുണ്ടാക്കിയത്. 2019 മേയിലാണ് വോട്ട് ഫോര്‍ പിജെ പേജിന്റെ പേര് പിജെ ആര്‍മി എന്നാക്കി മാറ്റിയത്.