ചെന്നൈ: കള്ളക്കുറിച്ചിയിലെ സ്‌കൂള്‍ പ്ലസ് ടു വിദ്യാര്‍ഥിനിയുടെ ആത്മഹത്യയില്‍ മൂന്ന് പേര്‍ അറസ്റ്റില്‍. സ്‌കൂള്‍ പ്രിന്‍സിപ്പലും രണ്ട് അധ്യാപകരുമാണ് അറസ്റ്റിലായത്. കേസ് സിബിസിഐ ഏറ്റെടുത്തതിന് ശേഷമാണ് അറസ്റ്റ്.

മരണത്തിന് പിന്നാലെ പ്രതിഷേധം രൂക്ഷമായിരുന്നു. സംഘര്‍ഷാവസ്ഥ തുടരുന്നതിനാല്‍ കള്ളക്കുറിച്ചി, ചിന്നസേലം മേഖലയില്‍ നിരോധനാജ്ഞ പ്രഖ്യാപിച്ചട്ടുണ്ട്. അതേസമയം, സംഘര്‍ഷമുണ്ടായ മേഖലയില്‍ സ്ഥിതിഗതികള്‍ നിയന്ത്രണവിധേയമാണെന്ന് കള്ളക്കുറിച്ചി ജില്ലാ കളക്ടര്‍ പി.എന്‍. ശ്രീധര്‍ അറിയിച്ചു.

സംഭവത്തില്‍ കേസെടുത്ത് അന്വേഷണം നടത്തിവരികയാണെന്നും പെണ്‍കുട്ടിയുടെ മാതാപിതാക്കള്‍ വീണ്ടും പോസ്റ്റുമോര്‍ട്ടം നടത്തണമെന്ന് ആവശ്യപ്പെട്ട് ഹൈക്കോടതിയെ സമീപിച്ചിട്ടുണ്ടെന്നും തമിഴ്‌നാട് ഡി.ജി.പി. സി. ശൈലേന്ദ്രബാബുവും പ്രതികരിച്ചു.