299 രൂപക്ക് പ്രതി​മാ​സം 3000 ജിബി ഡാറ്റ; വിസ്മയിപ്പിക്കുന്ന പ്ലാനുകളുമായി കെ-ഫോൺ; താരിഫ് അറിയാം

ഏറെ നാളത്തെ കാത്തിരിപ്പിനൊടുവിൽ എത്തിയ കെ-ഫോൺ ഇനി എല്ലാവർക്കും ലഭിക്കും. സംസ്ഥാനത്തെ 75 ലക്ഷം കുടുംബങ്ങൾക്കും കെ-ഫോണിന്റെ ഇന്റർനെറ്റ് സേവനം ലഭ്യമാക്കനാണ് സർക്കാർ നീക്കം. ഇതിൽ 20 ല​ക്ഷം കു​ടും​ബ​ങ്ങ​ൾക്ക് സൗജന്യമായി ലഭിക്കുമെങ്കിലും ബാക്കിയുള്ളവർക്ക് പണം നൽകിയാകും സേവനം ലഭ്യമാക്കുക. എന്നാൽ മറ്റു സേവനദാതാക്കളെ അപേക്ഷിച്ച് കുറഞ്ഞ ചെലവിലാണ് കെ-ഫോൺ സേവനം നൽകുക.

പ്ര​തി​മാ​സം 299 രൂ​പ മു​ത​ലാ​ണ് നി​ര​ക്കു​ക​ൾ ആ​രം​ഭി​ക്കു​ന്ന​ത്. 299 രൂപക്ക് പ്രതി​മാ​സം 3000 ജിബി ഡാ​റ്റ​യാ​ണ്​ ഈ ​പാ​ക്കേ​ജി​ലു​ള്ള​ത്. സെ​ക്ക​ൻ​ഡി​ൽ 20 എം.​ബി അ​ടി​സ്ഥാ​ന വേഗം ലഭിക്കും.

കെ-ഫോൺ പ്ലാനുകൾ (ഒരു മാസത്തേക്ക്)

• 299 രൂപക്ക് 3000 ജിബി ഡാറ്റ - സ്പീഡ് 20 എംബി
• 349 രൂപക്ക് 3000 ജിബി ഡാറ്റ - സ്പീഡ് 30 എംബി
• 399 രൂപക്ക് 4000 ജിബി ഡാറ്റ - സ്പീഡ് 40 എംബി
• 449 രൂപക്ക് 5000 ജിബി ഡാറ്റ - സ്പീഡ് 50 എംബി
• 499 രൂപക്ക് 5000 ജിബി ഡാറ്റ - സ്പീഡ് 75 എംബി
• 599 രൂപക്ക് 5000 ജിബി ഡാറ്റ - സ്പീഡ് 100 എംബി
• 799 രൂപക്ക് 5000 ജിബി ഡാറ്റ - സ്പീഡ് 150 എംബി
• 999 രൂപക്ക് 5000 ജിബി ഡാറ്റ - സ്പീഡ് 200 എംബി

https://kfon.in/ എ​ന്ന വെ​ബ്​ പേ​ജ്​ വ​ഴി​യാണ് അപേക്ഷിക്കേണ്ടത്. ‘എ​ന്‍റെ കെ ​ഫോ​ൺ’ എന്ന മൊബൈൽ ആ​പ്​ വ​ഴി​യും ഇ​ന്‍റ​ർ​നെ​റ്റ്​ ക​ണ​ക്ഷ​നാ​യി അ​പേ​ക്ഷി​ക്കാം. ഓഗസ്റ്റ് അവസാനത്തോടെ താരിഫ് അടിസ്ഥാനത്തിലുള്ള കണക്ഷൻ നൽകി തുടങ്ങുമെന്നാണ് വിവരം.

നിലവിൽ സംസ്ഥാനത്ത് മുഴുവൻ കെ-ഫോൺ പൂർണതോതിൽ പ്രവർത്തനം തുടങ്ങിയിട്ടില്ല. ആ​ദ്യ ഘ​ട്ട​ത്തി​ല്‍ സാ​മ്പ​ത്തി​ക​മാ​യി പി​ന്നാ​ക്കം നി​ല്‍ക്കു​ന്ന 14,000 വീ​ടു​ക​ളി​ലും 30,000ത്തി​ല്‍പ​രം സ​ര്‍ക്കാ​ര്‍ സ്ഥാ​പ​ന​ങ്ങ​ളി​ലു​മാ​കും കെ-​ഫോ​ണി​ന്റെ ഇ​ന്റ​ര്‍നെ​റ്റ് സേ​വ​നം ല​ഭ്യ​മാ​കു​ക. കേ​ര​ള​ത്തി​ലു​ട​നീ​ളം 40 ല​ക്ഷ​ത്തോ​ളം ഇ​ന്റ​ര്‍നെ​റ്റ് ക​ണ​ക്​​ഷ​ൻ ന​ല്‍കാ​നാ​വ​ശ്യ​മാ​യ അ​ടി​സ്ഥാ​ന സൗ​ക​ര്യം കെ-​ഫോ​ണ്‍ ഒ​രു​ക്കി​യി​ട്ടു​ണ്ട്. മറ്റു ജോലികൾ നടന്നുവരികയാണ്. ഏറെ വൈകാതെ സംസ്ഥാനം മുഴുവൻ കെ-ഫോൺ ഇന്റർനെറ്റ് വ്യാപിപ്പിക്കും.