കൊല്ലം • സംസ്ഥാനത്ത് ഇന്ന് അർധരാത്രി മുതൽ ട്രോളിങ് നിരോധനം. ഇനിയുള്ള 52 ദിവസം ഫിഷിങ് ഹാർബറുകളും മത്സ്യ ബന്ധന മേഖലകളും നിശ്ചലമാകും. യന്ത്രവത്കൃത മത്സ്യബന്ധന ബോട്ടുകളെല്ലാം ഹാർബറുകളിൽ തിരിച്ചെത്തി. കേരളത്തിലെ ഹാർബറുകളിൽനിന്ന് മത്സ്യബന്ധനത്തിനു പോകുന്ന ഏകദേശം 3,600 യന്ത്രവത്കൃത മത്സ്യബന്ധന ബോട്ടുകൾ, 500 ഗിൽനെറ്റ് ബോട്ടുകൾ, 114 പഴ്‌സ് സീൻ ബോട്ടുകൾ ഇന്നലെ വൈകിട്ടോടെ മത്സ്യബന്ധനം അവസാനിപ്പിച്ച് തിരിച്ചെത്തി. ഹാർബറുകൾ കേന്ദ്രീകരിച്ച് സർവിസ് നടത്തിയിരുന്ന ഇതരസംസ്ഥാന ബോട്ടുകൾ തീരം വിട്ടു. അതേസമയം ഇൻബോർഡ് വള്ളങ്ങൾ ഉൾപ്പെടെ പരമ്പരാഗത മത്സ്യബന്ധന യാനങ്ങൾക്ക് വിലക്കില്ല.

Content Highlights: news about fishing prohibition