യുവാവിന്റെ അടിയേറ്റ് കൂടെ താമസിച്ചിരുന്ന മധ്യവയസ്ക കൊല്ലപ്പെട്ടു

കോട്ടയം: കോട്ടയം ജില്ലയിലെ തലപ്പലം അമ്പാറയിൽ മധ്യവയസ്ക കൊല്ലപ്പെട്ടു. ഒപ്പം താമസിച്ചിരുന്ന യുവാവിന്റെ അടിയേറ്റ് അമ്പാറ സ്വദേശിനി ഭാർഗവി (48) യാണ് കൊല്ലപ്പെട്ടത്. സംഭവത്തെ ബിജുമോൻ എന്ന യുവാവിനെ പൊലിസ് കസ്റ്റഡിയിലെടുത്തു. പ്രതി പൊലിസ് സ്റ്റേഷനിലെത്തി കീഴടങ്ങുകയായിരുന്നു.

മദ്യപാനത്തെ തുടർന്നുണ്ടായ തർക്കമാണ് കൊലപാതകത്തിൽ കലാശിച്ചത്. മദ്യപിച്ച ശേഷമുണ്ടായ തർക്കത്തെ തുടർന്ന് പാര ഉപയോഗിച്ച് കൊല്ലുകയായിരുന്നുവെന്നാണ് പിന്നീട് പൊലിസ് സ്റ്റേഷനിലെത്തി കീഴടങ്ങിയ പ്രതി നൽകിയ മൊഴി.

കഴിഞ്ഞ രണ്ട് വർഷമായി ഭാർഗവിയും ബിജുമോനും ഒരുമിച്ചാണ് താമസിച്ച് വന്നിരുന്നത്. ഇരുവരും വേറെ വിവാഹം കഴിച്ചിട്ടുണ്ട്. മദ്യപാനത്തെ തുടർന്നുണ്ടായ തർക്കമാണ് കൊലപാതകത്തിലേക്ക് നയിച്ചത്. പൊലിസ് സംഘം സ്ഥലത്തെത്തി അന്വേഷണം ആരംഭിച്ചു.