തെരഞ്ഞെടുപ്പ് ആള്‍മാറാട്ടം; കാട്ടാക്കട ക്രിസ്ത്യന്‍ കോളജിന് ഒന്നരലക്ഷം രൂപ പിഴയിട്ട് സിന്‍ഡിക്കേറ്റ് തീരുമാനം

തിരുവനന്തപുരം: കാട്ടാക്കട ക്രിസ്ത്യന്‍ കോളജില്‍ നിന്നും ഒന്നരലക്ഷം രൂപ പിഴ ഈടാക്കാന്‍ സിന്‍ഡിക്കേറ്റ് തീരുമാനം. സര്‍വകലാശാല തെരഞ്ഞെടുപ്പ് മാറ്റിവച്ചപ്പോള്‍ ഉണ്ടായ നഷ്ടത്തിനാണ് പിഴ ഈടാക്കുന്നത്. പണം ഉടന്‍ അടയ്ക്കണം എന്ന് ആവശ്യപ്പെട്ട് സിന്‍ഡിക്കേറ്റ് കത്ത് നല്‍കും. ധനനഷ്ടം കണക്ക് കൂട്ടി മുന്‍ പ്രിന്‍സിപ്പല്‍ ഷൈജുവിനും കോളജിനുമായിരിക്കും കത്ത് നല്‍കുക.

സര്‍വകലാശാല നോട്ടിഫിക്കേഷന്‍ പുറത്തിറക്കിയതിനും അടക്കം തെരഞ്ഞെടുപ്പ് മാറ്റിയത് മൂലം ഉണ്ടായ നഷ്ടം ഈടാക്കാക്കുമെന്ന് സര്‍വകലാശാല നേരത്തെ അറിയിച്ചിരുന്നു. ഇതിനായി ബന്ധപ്പെട്ട സെക്ഷനില്‍ നിന്ന് രേഖകള്‍ നല്‍കാന്‍ രജിസ്ട്രാര്‍ ആവശ്യപ്പെടുകയും ചെയ്തിരുന്നു.