kuwait announces major new visa

കുവൈത്ത് പുതിയ തരത്തിലുളള ഒരു വിസ അവതരിപ്പിച്ചിരിക്കുകയാണ്. രാജ്യത്തിന്റെ ഉപപ്രധാനമന്ത്രിയും ആഭ്യന്തര മന്ത്രിയും ആക്ടിംഗ് പ്രതിരോധ മന്ത്രിയുമായ ഷെയ്ഖ് തലാല്‍ അല്‍ ഖാലിദ് അല്‍ സബാഹ് ഏറ്റവും പുതിയ വിസ അവതരിപ്പിക്കുന്നതിനുള്ള ഉത്തരവ് പുറപ്പെടുവിച്ചതായി അല്‍ റായിയാണ് റിപ്പോര്‍ട്ട് ചെയ്തിരിക്കുന്നത്. ഇത് കൂടാതെ പുതിയ വിസയെക്കുറിച്ച് പല പ്രാദേശിക മാധ്യമങ്ങളും റിപ്പോര്‍ട്ട് ചെയ്തിട്ടുണ്ട്.കായികം,സാമൂഹ്യ,സാംസ്‌കാരിക പ്രവര്‍ത്തനങ്ങള്‍ എന്നിവയുമായി ബന്ധപ്പെട്ട് പ്രവര്‍ത്തിക്കുന്നലരെ ലക്ഷ്യം വെച്ചാണ് ഈ വിസ പുറത്തിറക്കുന്നത്.

ജനറല്‍ ഡയറക്ടറേറ്റ് ഓഫ് റെസിഡന്‍സി അഫയേഴ്‌സാണ് പ്രസ്തുത വിസ നല്‍കുന്നത്. സ്‌പോര്‍ട്‌സ് ക്ലബ്ബുകള്‍, സാമൂഹ്യ,സാംസ്‌കാരിക സംഘടനകള്‍ എന്നിവ മുഖാന്തരം അതോറിറ്റിയുടെ നിര്‍ദേശങ്ങള്‍ക്ക് അനുസൃതമായിട്ടാണ് പുതിയ വിസക്കായി അപേക്ഷിക്കേണ്ടത്.മൂന്ന് മാസം വരെയാണ് ഈ പുതിയ തരം വിസക്ക് കാലാവധിയുളളത്. കൂടാതെ വിസ ലഭിച്ച തീയതി മുതല്‍ ഒരു വര്‍ഷത്തേക്ക് വരെ ഈ വിസ പുതുക്കാനും അവസരമുണ്ട്. രാജ്യത്തിന്റെ കായിക,സാംസ്‌കാരിക,വിനോദ മേഖലകള്‍ക്ക് ഊര്‍ജം പകരാനാണ് ഇത്തരമൊരു വിസ പുറത്തിറക്കുന്നതെന്നാണ് പുറത്ത് വരുന്ന റിപ്പോര്‍ട്ടുകള്‍.

Content Highlights:kuwait announces major new visa