മാനന്തവാടി: നീര്‍മാതളം ബുക്‌സിന്റെ 18ാമത് പുസ്തകമായ ശ്രീജ വാര്യരുടെ 'മനോയാനം' നോവല്‍ പഴശ്ശി രാജ സ്മാരക ഗ്രന്ഥാലയത്തില്‍ വച്ച് പ്രകാശനം ചെയ്തു. ചടങ്ങ് ഒ.ആര്‍ കേളു എം.എല്‍.എ ഉദ്ഘടനം ചെയ്തു. വി.എച്ച് നിഷാദ് പുസ്തകം പാലക്കാട് വിക്ടോറിയ കോളജിലെ റിട്ട. പ്രൊഫ. എം മാധവി ടീച്ചര്‍ക്ക് നല്‍കി പ്രകാശനം നിര്‍വഹിച്ചു. നീര്‍മാതളം ബുക്‌സിന്റെ പ്രസാധകന്‍ അനില്‍ കുറ്റിച്ചിറ, ജില്ലാ ലൈബ്രറി കൗണ്‍സില്‍ അംഗം ദേവകി ടീച്ചര്‍, ടി.പി ദിവാകരന്‍, എം. വാസന്തി, എം.എ നിഷാന്ത്, വി.കെ പ്രസാദ്, സംസാരിച്ചു. നോവല്‍ സാഹിത്യം വര്‍ത്തമാന കാല നടപ്പുവഴികള്‍ എന്ന വിഷയത്തെ ആസ്പദമാക്കി സംവാദവും നടത്തി.