കല്‍പ്പറ്റ: ഹരിയാന സ്വദേശിയായ കേന്ദ്ര ഉദ്യോഗസ്ഥന്‍ കൈക്കൂലി വാങ്ങുന്നതിനിടെ വയനാട്
വിജിലന്‍സിന്റെ പിടിയില്‍. സെന്‍ട്രല്‍ ടാക്‌സ് ആന്‍ഡ് എക്‌സൈസ് വകുപ്പ്, കല്‍പ്പറ്റ ഓഫിസിലെ സൂപ്രണ്ടായ ഹരിയാന സ്വദേശി പ്രവീന്ദര്‍ സിങ്ങിനെയാണ് ഒരു ലക്ഷം രൂപ കൈക്കൂലി വാങ്ങുന്നതിനിടെ വിജിലന്‍സ് വയനാട് യൂണിറ്റ് പിടികൂടിയത്.

ജി.എസ്.ടി റിട്ടേണ്‍ ഫയല്‍ ചെയ്യുന്ന അവസരത്തില്‍ ഇന്‍പുട്ട് ടാക്‌സ് ക്രെഡിറ്റ്(ഐ.ടി.സി) കുറവ് ചെയ്യാന്‍ പാടില്ല എന്നതാണ് നിയമം. എന്നാല്‍ വയനാട് സ്വദേശിയും പൊതുമരാമത്ത് കരാറുകാരനുമായ പരാതിക്കാരന്‍ 2018-2019 സാമ്പത്തിക വര്‍ഷം ഇന്‍പുട്ട് ടാക്‌സ് തുകയായ 10,13,752 രൂപ കുറവ് വരുത്തിയാണ് ജി.എസ്.ടി റിട്ടേണ്‍ ഫയല്‍ ചെയ്തിരുന്നത്. ഇതു കണ്ടുപിടിച്ച നികുതി വകുപ്പ് ഉദ്യോഗസ്ഥനായ പ്രവീന്ദര്‍ സിങ് പലിശ തുകയായ 21,035 രൂപ ഉള്‍പ്പെടെ ഇന്‍പുട്ട് ടാക്‌സ് ക്രെഡിറ്റ് തുക അടിയന്തരമായി അടയ്ക്കണമെന്ന് കാണിച്ച് കഴിഞ്ഞ മാസം 22ന് പരാതിക്കാരന് നോട്ടിസ് നല്‍കിയിരുന്നു.