ദോഹ : സമസ്ത കേരള ജംഇയ്യത്തുൽ മുഅല്ലിമീൻ ഖത്തർ റെയ്ഞ്ച് വാർഷിക ജനറൽ ബോഡി യോഗം അൽ നാബിത്ത് ഗ്ലോബൽ എജുക്കേഷൻ സെന്റെറിൽ ചേർന്നു. പ്രസിഡണ്ട് അബ്ദുൽ ഖാദർ ബാഖവിയുടെ അദ്ധ്യക്ഷതയിൽ കേരള ഇസ്ലാമിക് സെന്റർ ജനറൽ സെക്രട്ടറി സകരിയ മാണിയൂർ ഉദ്ഘാടനം ചെയ്തു.

പ്രവാസ ലോകത്തും സമസ്തയുടെ കീഴിൽ മുഅല്ലിമീങ്ങൾ സമൂഹത്തിന് ചെയ്യുന്ന സേവനങ്ങൾ നിസ്തുലമാണെന്ന് ജനറൽ ബോഡി യോഗം അഭിപ്രായപ്പെട്ടു.
ചടങ്ങിൽ കഴിഞ്ഞ പൊതു പരീക്ഷയിൽ ഉന്നത വിജയം നേടിയ വിദ്യാർത്ഥികളെയും അതിന് അർഹരാക്കിയ അധ്യാപകരെയും ഉപഹാരങ്ങൾ നൽകി ആദരിച്ചു. വാർഷിക റിപ്പോർട്ടും വരവ് ചെലവ് കണക്കുകളും ജനറൽ സെക്രട്ടറി അബ്ദുൽ ജലീൽ താനൂർ അവതരിപ്പിച്ചു.

ഇസ്മായീൽ ഹുദവി മുഖ്യ പ്രഭാഷണവും തെരഞ്ഞെടുപ്പ് നേതൃത്വവും നിർവഹിച്ചു. സൈനുമീൻ നിസാമി, റഈസ് ഫൈസി സംസാരിച്ചു. അബ്ദുൽ ജലീൽ താനൂർ സ്വാഗതവും നൂറുദ്ദീൻ വാഫി നന്ദിയും പറഞ്ഞു.

പുതിയ ഭാരവാഹികളായി സൈനുദ്ധീൻ നിസാമി കാന്തപുരം ( പ്രസിഡണ്ട് ) യാസർ നജാത്തി, അബ്ദു സമദ് ഹുദവി(വൈസ് പ്രസിഡണ്ട് ) റഈസ് ഫൈസി കീഴ്പ്പള്ളി (ജനറൽസെക്രട്ടറി ) സുഹൈൽ കാട്ടുമുണ്ട,

അബ്ദുൽ ഖാദർ വാഫി(ജോ: സെക്രട്ടറി ) അബ്ദുൽ മജീദ് ഹുദവി പുതുപറമ്പ് (ട്രഷറർ ) നൂറുദ്ധീൻ വാഫി,
പി. എ. ഉമർ ഹുദവി (പരീക്ഷ ബോർഡ് ) എന്നിവരെ തെരഞ്ഞെടുത്തു.

Content Highlights:S.K.J.M qatar general body