ബഹ്റൈനിൽ പത്തനംതിട്ട സ്വദേശിനി നിര്യാതയായി

മനാമ: ബഹ്റൈനിൽ പത്തനംതിട്ട സ്വദേശിനി നിര്യാതയായി. തിരുവല്ല തുകലശ്ശേരി, പരേതനായ പ്ലാന്തറയിൽ അഷ്റഫിന്‍റെ ഭാര്യ ഫരീദ അഷ്റഫ് ആണ് മരിച്ചത്. 61 വയസായിരുന്നു. അസുഖബാധിതയായി ചികിത്സയിലിരിക്കെയാണ് മരണം.

സാമൂഹ്യ പ്രവർത്തകനായ മകൻ അദ്നാൻ അശ്റഫിനൊപ്പം ബഹ്റൈനിൽ കഴിഞ്ഞിരുന്ന അവർ ഒരു മാസത്തോളമായി അസുഖ ബാധിതയായി ചികിത്സയിലായിരുന്നു. സൽമാനിയ മെഡിക്കൽ കോംപ്ലക്സിൽ ചികിത്സയിലിരിക്കെയാണ് മരണം.

മറ്റ് മക്കൾ: അഫ്നാൻ, അഫ്സൽ, ആരിഫ്. മരുമക്കൾ: ആഖില സലീം, അമീന, റനീഷ, സഫിയ.