കൊച്ചി: ആലപ്പുഴ കളക്ടര്‍ നിയമനത്തെ ചൊല്ലിയുള്ള വിവാദങ്ങള്‍ക്കിടയില്‍ സപ്ലൈക്കോയില്‍ ചുമതലയേറ്റ് ശ്രീറാം വെങ്കിട്ടരാമന്‍.ഭക്ഷ്യ വകുപ്പില്‍ സിവില്‍ സപ്ലൈസില്‍ ജനറല്‍ മാനേജറായാണ് പുതിയ നിയമനം.

മാധ്യമ പ്രവര്‍ത്തകനായിരുന്ന കെ.എം ബഷീറിനെ കാറിടിച്ച് കൊലപ്പെടുത്തിയ കേസില്‍ പ്രതിയായ ശ്രീറാമിനെ ആലപ്പുഴ കളക്ടറായി നിയമിച്ചത് വന്‍ വിവാദമായിരുന്നു.അതേ തുടര്‍ന്നാണ് സപ്ലൈക്കോയിലേക്ക് മാറ്റി നിയമിച്ചത്.

വിവാദത്തില്‍പ്പെട്ട ഒരു വ്യക്തിയെ തന്റെ വകുപ്പില്‍ നിയമിക്കുന്നത് തന്നെ അറിയിച്ചില്ല എന്ന് മന്ത്രി ജി.ആര്‍ അനില്‍ മന്ത്രി സഭാ യോഗത്തില്‍ പരാതിപ്പെട്ടു. എന്നാല്‍ ഈ വിഷയത്തില്‍ എതിര്‍പ്പിയിച്ച് മന്ത്രി മുഖ്യമന്ത്രിക്ക് കത്തയച്ചത് മാധ്യമങ്ങളില്‍ വാര്‍ത്തയായിരുന്നതില്‍ മുഖ്യമന്ത്രി തിരിച്ച് അതൃപ്തി
അറിയിച്ചതോടെ ആ ചര്‍ച്ചകള്‍ അവസാനിച്ചു.