മലപ്പുറം: കെ.ടി ജലീല്‍ എംഎല്‍എയുടെ എടപ്പാളിലെ ഓഫീസില്‍ യുവമോര്‍ച്ച പ്രവര്‍ത്തകര്‍ കരി ഓയില്‍ ഒഴിച്ചു. കശ്മിര്‍ സന്ദര്‍ശനത്തിനിടെ പോസ്റ്റ് ചെയ്ത വിവാദ ഫേസ്ബുക്ക് പോസ്റ്റിലാണ് പ്രതിഷേധം. ഓഫീസിന്റെ ഷട്ടറിലും ബോര്‍ഡിലും കരി ഓയില്‍ ഒഴിച്ച പ്രവര്‍ത്തകര്‍ അടച്ചിട്ട ഓഫീസ് ഷട്ടറില്‍ പ്രതിഷേധ പോസ്റ്ററും പതിച്ചു.

ജലീലിന്റെ പരാമര്‍ശങ്ങള്‍ക്കെതിരെ വ്യാപക വിമര്‍ശനമുയര്‍ന്നതോടെ സിപിഐഎം നേതൃത്വവും അദ്ദേഹത്തെ തള്ളി രംഗത്തെത്തി. ഇതിന് പിന്നാലെ നാടിന്റെ സൗഹൃദം ഊട്ടിയുറപ്പിക്കുന്നതിനായി പിന്‍വലിക്കുകയാണെന്ന് ജലീല്‍ അറിയിച്ചിരുന്നു.