സൂറിച്ച്: ആള്‍ ഇന്ത്യാ ഫുട്‌ബോള്‍ ഫെഡറേഷന് (എ.ഐ.എഫ്.എഫ്) ഫിഫയുടെ വിലക്ക്. നിയമങ്ങള്‍ ലംഘിച്ചതിന്റെ പേരിലാണ് നടപടി. ഇതോടെ ഒക്ടോബറില്‍ നടക്കേണ്ടിയിരുന്ന അണ്ടര്‍ 17 വനിതാ ലോകകപ്പ് ആതിഥേയത്വം ഇന്ത്യക്ക് നഷ്ടപ്പെടും.

ഇന്ത്യന്‍ ഫുട്‌ബോള്‍ ഫെഡറേഷനെ പുറത്ത് നിന്നുള്ള കൈകടത്തല്‍ ഉണ്ടായെന്നാണ് ഫിഫ പറയുന്നത്, ഇത് ഫിഫ നിയമങ്ങളുടെ ലംഘനമാണെന്ന് പറഞ്ഞാണ് ഫെഡറേഷനെ ഫിഫ സസ്‌പെന്‍ഡ് ചെയ്തത് .തീരുമാനം ഏകകണ്ഠമായിരുന്നുവെന്നും റിപ്പോര്‍ട്ടുകള്‍ വ്യക്തമാക്കുന്നു.

ഇന്ത്യന്‍ ഫുട്‌ബോള്‍ ഫെഡറേഷനെ കമ്മിറ്റിയെ പിരിച്ചുവിട്ട് കൊണ്ട് സുപ്രിംകോടതി താല്‍ക്കാലിക ഭരണസമിതി രൂപീകരിച്ചിരുന്നു. ഇതിനെതിരെ ഫിഫ നേരത്തെ തന്നെ രംഗത്തെത്തിയിരുന്നു. ഇന്ത്യന്‍ ഫുട്‌ബോള്‍ ഫെഡറേഷനെ പുതിയ തെരഞ്ഞെടുപ്പ് നടത്തി കമ്മിറ്റി രൂപീകരിച്ചാല്‍ സസ്‌പെന്‍ഷന്‍ നീക്കിയേക്കാം. ഈ മാസം 28ന് അസോസിയേഷനിലേക്ക് തെരഞ്ഞെടുപ്പ് നടത്താന്‍ സുപ്രിംകോടതി വിധിയുണ്ട്.