ജിദ്ദ: ജിദ്ദ ഇന്ത്യൻ കോൺസുലേറ്റിന്റെ ആഭിമുഖ്യത്തിൽ ഇന്ത്യയുടെ എഴുപത്താറാം സ്വാതന്ത്ര്യ ദിനം (ഇന്ത്യ @75) ഏറെ ആവേശത്തോടെയും ദേശ സ്നേഹത്തോടെയും ആഘോഷിച്ചു. ഇന്ത്യൻ സമൂഹത്തിന്റെയും കോൺസുലേറ്റ് ഉദ്യോഗസ്ഥരുടെയും സാന്നിധ്യത്തിൽ കോൺസൽ ജനറൽ മുഹമ്മദ്‌ ഷാഹിദ് ആലം ത്രിവർണ്ണ പതാക ഉയർത്തി.

തുടർന്ന് നടത്തിയ പ്രസംഗത്തിൽ രാഷ്‌ട്രപതിയുടെ പ്രസംഗത്തിൽ നിന്നുള്ള ഉദ്ധരണികൾ അദ്ദേഹം സദസ്സിനെ കേൾപ്പിച്ചു. സഊദിയുമായുള്ള ഇന്ത്യയുടെ ബന്ധം ശക്തിപ്പെടുത്തുന്നതിന് ഇന്ത്യൻ സമൂഹം നൽകിയ അസാധാരണമായ സംഭവനകൾക്ക് കോൺസൽ ജനറൽ നന്ദി അറിയിച്ചു. ജിദ്ദ ഇന്റർനാഷണൽ ഇന്ത്യൻ സ്കൂൾ വിദ്യാർത്ഥികൾ ദേശഭക്തി ഗാനങ്ങൾ ആലപിച്ചു.