തിരുവനന്തപുരം: കണ്ണൂര്‍ സര്‍വ്വകലാശാലയിലെ വിവാദ നിയമനത്തില്‍ ഗവര്‍ണറെ പിന്തുണച്ച് പ്രതിപക്ഷനേതാവ് വി.ഡി ,സതീശന്‍. സംസ്ഥാനത്തെ എല്ലാ സര്‍വ്വകലാശാലകളിലും കഴിഞ്ഞ ആറുവര്‍ഷമായി നടന്ന ബന്ധു നിയമനങ്ങളെക്കുറിച്ച് അന്വേഷിക്കാന്‍ ചാന്‍സലറായ ഗവര്‍ണര്‍ തയ്യാറാകണമെന്നും അതില്‍ രാഷ്ട്രീയം കലര്‍ത്തേണ്ടതില്ലെന്നും വി.ഡി സതീശന്‍ പറഞ്ഞു.
കണ്ണൂര്‍ സര്‍വ്വകലാശാലയില്‍ നടന്നത്  സ്വജനപക്ഷപാതം തന്നെയാണ്. സര്‍വ്വകലാശാലകളില്‍ പാര്‍ട്ടി ബന്ധുക്കള്‍ക്ക് വേണ്ടി സംവരണം ഏര്‍പ്പെടുത്തിയിരിക്കുകയാണെന്നും അദ്ദേഹം കുറ്റപ്പെടുത്തി.