തിരുവനന്തപുരം: കണ്ണൂര്‍ സര്‍വ്വകലാശാല വൈസ് ചാന്‍സലര്‍ ഗോപിനാഥ് രവീന്ദ്രനെതിരെ ഗവര്‍ണര്‍ ആരിഫ് മുഹമ്മദ് ഖാന്റെ രൂക്ഷ വിമര്‍ശനം. ഭരണകക്ഷിയുടെ കേഡറെപ്പോലെയാണ് വിസി പ്രവര്‍ത്തിക്കുന്നതെന്നും പദവിക്ക് യോജിച്ച രീതിയില്‍ അല്ല വിസിയുടെ പ്രവര്‍ത്തനങ്ങളെന്നുംസര്‍വ്വകലാശാലകളിലെ നിയമഭേദഗതിയുടെ ലക്ഷ്യം തന്നെ ബന്ധു നിയമനം ആണെന്നും ഗവര്‍ണര്‍ വിമര്‍ശിച്ചു.
സര്‍വ്വകലാശാലകളിലെ എല്ലാ നിയമനങ്ങളും അന്വേഷിക്കുമെന്നും പ്രിയാവര്‍ഗീസിന് ഒന്നാം റാങ്ക് നല്‍കിയ തീരുമാനം മരവിപ്പിച്ചതിനെതിരെ ആര്‍ക്കും കോടതിയെ സമീപിക്കാമെന്നും ആരിഫ് മുഹമ്മദ് ഖാന്‍ വ്യക്തമാക്കിയിരുന്നു.അതേസമയം പ്രിയ വര്‍ഗീസിനെതിരെ വീണ്ടും പരാതി ഉയര്‍ന്നിട്ടുണ്ട്. എഫ്.ഡി.പി പദ്ധതിയില്‍ ചട്ടലംഘനം നടന്നതായാണ് പരാതി.എഫ് .ഡി.പി കാലയളവ് പൂര്‍ത്തിയായ ശേഷം അഞ്ച് വര്‍ഷം മാതൃസ്ഥാപനത്തില്‍ ജോലിചെയ്യണമെന്ന വ്യവസ്ഥയാണ് ലംഘിച്ചതെന്നും ഗവേഷണ കാലയളവിലെ ശമ്പളം തിരിച്ചു പിടിക്കണമെന്നും കെ.പി.സി.ടി.എ ആവശ്യപ്പെട്ടു.