തിരുവനന്തപുരം; കണ്ണൂര്‍ സര്‍വ്വകലാശാല വൈസ് ചാന്‍സലര്‍ ഡോ.ഗോപിനാഥ് രവീന്ദ്രനെതിരെ ഗുരുതരാരോപണങ്ങളുമായ് ഗവര്‍ണര്‍ ആരിഫ് മുഹമ്മദ് ഖാന്‍. മാന്യതയുടെ എല്ലാ അതിര്‍ വരമ്പുകളും ലംഘിച്ചുകൊണ്ടുള്ള പ്രവര്‍ത്തനങ്ങളാണ് വിസിയുടേത്. പരസ്യമായി വിമര്‍ശിക്കാന്‍ താന്‍ നിര്‍ബന്ധിക്കപ്പെട്ടതാണ്, തന്റെ ഈഗോയെ തൃപ്തിപ്പെടുത്താനല്ല ഈ നടപടികള്‍, തനിക്കുനേരെയുള്ള വിമര്‍ശനങ്ങളെ സ്വാഗതം ചെയ്യുന്നുവെന്നും ഗവര്‍ണര്‍ പറഞ്ഞു.
ഗവര്‍ണറെ കായികപരമായി നേരിടാനുളള ഗുഢാലോചനകളും വിസി നടത്തിയതായി ഗവര്‍ണര്‍ പറഞ്ഞു. യൂണിവേഴ്‌സിറ്റിയെ നശിപ്പിക്കാനുള്ള പ്രവര്‍ത്തനങ്ങളാണ് വൈസ് ചാന്‍സലര്‍ സ്ഥാനത്തിരുന്നുകൊണ്ട് അദ്ദേഹം നടപ്പിലാക്കുന്നതെന്നും വിസിക്കെതിരെയുള്ള നിയമ നടപടികള്‍ താന്‍ ആരംഭിച്ചതായും ഗവര്‍ണര്‍ പറഞ്ഞു.