തിരുവനന്തപുരം: എസ് എസ് എല്‍ സി സര്‍ട്ടിഫിക്കറ്റുകള്‍ അടുത്ത മാസം ആദ്യം മുതല്‍ വിദ്യാര്‍ത്ഥികളുടെ കൈകളിലേക്കെത്തും.സര്‍ട്ടിഫിക്കറ്റുകളുടെ അച്ചടി പ്രവര്‍ത്തനങ്ങള്‍ പൂര്‍ത്തിയായതായി അധികൃതര്‍ അറിയിച്ചു. സര്‍ട്ടിഫിക്കറ്റുകള്‍ ഈ മാസം 30 ന് ജില്ലാ വിദ്യാഭ്യാസ ഓഫീസുകളില്‍ എത്തിക്കും.
ഫലം വന്ന് രണ്ട് മാസങ്ങള്‍ കഴിഞ്ഞിട്ടും കുട്ടികള്‍ക്ക് സര്‍ട്ടിഫിക്കറ്റ് ലഭ്യമാക്കാത്തത് വിമര്‍ശനങ്ങള്‍ക്ക് ഇടയാക്കിയിരുന്നു. മുന്‍കാലങ്ങളില്‍ പ്ലസ് വണ്‍ പ്രവേശനം ആരംഭിക്കുന്നതിന് മുന്‍പേ സര്‍ട്ടിഫിക്കറ്റ് കുട്ടികളിലേക്ക് എത്തിയിരുന്നു. ഇത്തവണ സര്‍ട്ടിഫിക്കറ്റ് വിതരണം വൈകിയതിനാല്‍ പ്ലസ് വണ്‍ പ്രവേശനത്തിന് അപേക്ഷിക്കാന്‍ ഡിജിറ്റല്‍ രൂപത്തിലുള്ള സര്‍ട്ടിഫിക്കറ്റ് ഡൗണ്‍ലോഡ് ചെയ്യുന്നതിനുള്ള സംവിധാനം കുട്ടികള്‍ക്ക് ഒരുക്കിയിരുന്നു.