ത്വാഇഫ്: സമസ്ത ഇസ്‌ലാമിക് സെൻറർ താഇഫ് ശിഹാർ ഏരിയാ കമ്മറ്റിയുടെ ആഭിമുഖ്യത്തിൽ പാണക്കാട് സയ്യിദ് മുഹമ്മദലി ശിഹാബ് തങ്ങൾ, സയ്യിദ് ഉമർ ബാഫഖി തങ്ങൾ, വാവാട് കുഞ്ഞിക്കോയ മുസ്‌ലിയാർ എന്നിവരുടെ അനുസ്മരണം സംഘടിപ്പിച്ചു. പരിപാടി എസ് ഐ സി താഇഫ് പ്രസിഡണ്ട് ശരീഫ് ഫൈസി കരുവാരക്കുണ്ട് ഉദ്ഘാടനം ചെയ്തു. താഇഫ് ശിഹാർ ഏരിയ പ്രസിഡണ്ട് സ്വാലിഹ് ഫൈസി കൂടത്തായി അധ്യക്ഷത വഹിച്ചു.

ശാഫി ദാരിമി പാങ്ങ് മുഖ്യ പ്രഭാഷണം നടത്തി. എസ് ഐ സി സെൻട്രൽ കമ്മറ്റി ചെയർമാൻ ബശീർ താനൂർ, സെക്രട്ടറി അസീസ് റഹ്മാനി, സൈതലവി ഫൈസി, അക്ബർ ശഹനാസ് ഹുദവി, ശരീഫ് മണ്ണാർക്കാട്, സക്കീർ മങ്കട, സയൂഫ് കൊടുവള്ളി, അഷ്റഫ് താനാളൂർ,
ഫൈസൽ ബാലുശ്ശേരി, അനസ്, മൂസ, ശിഹാബ്, അഷ്റഫ് തുടങ്ങിയവർ പ്രസംഗിച്ചു. സെക്രട്ടറി യാസർ കാരക്കുന്ന് സ്വാഗതവും ട്രഷറർ ഹമീദ് പെരുവള്ളൂർ നന്ദിയും പറഞ്ഞു.