കൊച്ചി: കെ.എസ്.ആര്‍.ടി.സിക്ക് സെപ്തംബര്‍ ഒന്നിന് മുന്‍പായി 103 കോടി രൂപ സര്‍ക്കാര്‍ നല്‍കണമെന്ന് ഹൈക്കോടതി. ജൂലൈ, ഓഗസ്റ്റ് മാസങ്ങളിലെ ശമ്പളവും ഫെസ്റ്റിവല്‍ അലവന്‍സും നല്‍കണമെന്നും കോടതി വ്യക്തമാക്കി.

തൊഴിലാളികള്‍ ഓണത്തിന് വിശന്നിരിക്കരുതെന്ന് ജസ്റ്റിസ് ദേവന്‍ രാമചന്ദ്രന്‍ പറഞ്ഞു. അതേസമയം, കെ.എസ്.ആര്‍.ടി. സിയില്‍ ശമ്പള വിതരണത്തിന് നടപടി തുടങ്ങിയതായി സര്‍ക്കാര്‍ ഹൈക്കോടതിയെ അറിയിച്ചു. കെ എസ് ആര്‍ ടി സി ആവശ്യപ്പെടുന്ന തുകയ്ക്ക് ധനവകുപ്പിന്റെ എതിര്‍പ്പുണ്ടെന്നും സര്‍ക്കാര്‍ വ്യക്തമാക്കി. പണം നല്‍കാന്‍ പത്ത് ദിവസത്തെ സാവകാശം സര്‍ക്കാര്‍ ആവശ്യപ്പെട്ടു.

പൂര്‍ണമായും ശമ്പളം നല്‍കാന്‍ കഴിയുന്ന സാഹചര്യമില്ലെന്നും ജീവനക്കാര്‍ക്ക് ശമ്പളം നല്‍കണമെങ്കില്‍ സര്‍ക്കാര്‍ സഹായം വേണമെന്നും കെ.എസ്.ആര്‍.ടി.സി കോടതിയെ അറിയിച്ചിരുന്നു. ജൂലൈ, ഓഗസ്റ്റ് മാസങ്ങളിലെ ശമ്പളവും ഉത്സവബത്തയും നല്‍കാന്‍ 103 കോടി രൂപ കെ.എസ്.ആര്‍.ടി.സി സര്‍ക്കാരിനോട് ആവശ്യപ്പെടുകയും ചെയ്തിരുന്നു.