തിരുവനന്തപുരം: നെഹ്‌റു ട്രോഫി വള്ളംകളിക്ക് അമിത്ഷായെ ക്ഷണിച്ചതില്‍ വിമര്‍ശനവുമായി പ്രതിപക്ഷ നേതാവ് വി.ഡി സതീശന്‍. മുഖ്യമന്ത്രി പിണറായി വിജയനും അമിത്ഷായും തമ്മില്‍ അവിശുദ്ധ കൂട്ടുകെട്ടാണെന്നും ലാവലിനോ സ്വര്‍ണക്കടത്തോ ആണോ കാരണം എന്നും വി.ഡി സതീശന്‍ ചോദിച്ചു.

വള്ളംകളിക്ക് അമിത്ഷായെ വിളിച്ചത് സി.പി.എം ബി.ജെ.പി രഹസ്യബന്ധത്തിന് തെളിവാണ്. അമിത്ഷായെ വിളിക്കാനുള്ള കാരണം മുഖ്യമന്ത്രി വ്യക്തമാക്കണമെന്ന് വി ഡി സതീശന്‍ ആവശ്യപ്പെട്ടു.
കൊല്ലം ബൈപ്പാസ് ഉദ്ഘാടനത്തിന് മോദിയെ ക്ഷണിച്ചതിന് എന്‍.കെ പ്രേമചന്ദ്രനെ സംഘിയെന്ന് വിളിച്ചു.

ഏത് ചെകുത്താനെയും കൂടെക്കൂട്ടി കോണ്‍ഗ്രസിനെ തോല്‍പ്പിക്കുകയാണ് ലക്ഷ്യം. സി.പി.ഐ സമ്മേളനങ്ങളില്‍ പ്രതിഷേധങ്ങളില്‍ പ്രതീക്ഷയില്ലെന്ന് പ്രതിപക്ഷ നേതാവ് കൂട്ടിച്ചേര്‍ത്തു.