പഴയങ്ങാടി: മാടായി വടുകുന്ദ ശിവക്ഷേത്രത്തില്‍ ഭണ്ഡാരങ്ങള്‍ കുത്തിതുറന്ന് മോഷണം. ഇന്നലെ പുലര്‍ച്ചെയാണ് മോഷണവിവരം ക്ഷേത്ര അധികൃതര്‍ അറിയുന്നത്. ക്ഷേത്രനടയില്‍ ഇരുവശങ്ങളിലുമുള്ള ഭണ്ഡാരമാണ് കുത്തിതുറന്നത്. ഇതിന്റെ പൂട്ട് സമീപത്തു നിന്നു കണ്ടെത്തി. സംഭവസമയം സെക്യൂരിറ്റി ജീവനക്കാരന്‍ ക്ഷേത്രത്തിലുണ്ടായിരുന്നെങ്കിലും മോഷണം ശ്രദ്ധയില്‍പെട്ടില്ല. കഴിഞ്ഞ ജൂണ്‍ 29നാണ് ക്ഷേത്രഭണ്ഡാരങ്ങള്‍ തുറന്ന് പണം എണ്ണിതിട്ടപ്പെടുത്തിയത്. 50000 രൂപയോളം നഷ്ടം കണക്കാക്കുന്നു. പഴയങ്ങാടി പൊലിസ്, ഡോഗ് സ്‌ക്വാഡ്, വിരലടയാള വിദഗ്ദര്‍ എന്നിവര്‍ സ്ഥലത്തെത്തി പരിശോധന നടത്തി.