തിരുവനന്തപുരം: നവോത്ഥാന കാലത്ത് കുഴിച്ചുമൂടിയ ചിന്താഗതിയുടെ പ്രേതത്തെ തിരിച്ചുകൊണ്ടുവരാനാണ് സംഘ്പരിവാര്‍ ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. വര്‍ഗീയത വളര്‍ത്താന്‍ സംഘ്പരിവാര്‍ ശക്തികള്‍ ശ്രമിക്കുമ്പോള്‍ അതിനുള്ള ഉത്തരമാണ് ചട്ടമ്പിസ്വാമികളും ശ്രീനാരായണഗുരുവും അയ്യങ്കാളിയും. ഇന്ദിരാഭവനില്‍ കോണ്‍ഗ്രസിന്റെ ചട്ടമ്പിസ്വാമി ജയന്തി ദിനാഘോഷത്തില്‍ സംസാരിക്കുകയായിരുന്നു ചെന്നിത്തല. വടക്കന്‍ കേരളത്തില്‍ ബി.ജെ.പി ബോംബ് നിര്‍മാണം കുടില്‍ വ്യവസായമാക്കി മാറ്റിയെന്നും അദ്ദേഹം ആരോപിച്ചു. സി.പി.എമ്മും ബി.ജെ.പിയും ആളെക്കൊല്ലുന്ന രാഷ്ട്രീയം അവസാനിപ്പിച്ച് സംസ്ഥാനത്തെ സമാധാന അന്തരീക്ഷം നിലനിര്‍ത്തണമെന്ന് കെ.പി.സി.സി പ്രസിഡന്റ് വി.എം സുധീരന്‍ ആവശ്യപ്പെട്ടു.