ദുബൈ: 540 കോടി ഡോളറിന്റെ ആസ്തിക്കുടമയായി ഇന്ത്യയിലെ അതിസമ്പന്നരുടെ പട്ടികയില്‍ മലയാളി ധനികനായി പ്രവാസി വ്യവസായിയും ലുലു ഗ്രൂപ്പ് ചെയര്‍മാനുമായ എം.എ യൂസുഫലി. പട്ടികയിലെ ഒന്നാമനായി ഗൗതം അദാനിയുണ്ട്. ഫോര്‍ബ്‌സ് മാസികയുടെ പുതിയ കണക്കനുസരിച്ച് പതിനയ്യായിരം കോടിയാണ് അദാനിയുടെ ആസ്തി. മാസികയുടെ കണക്കനുസരിച്ച് ഇന്ത്യയിലെ ഏറ്റവും ധനികനായ ഗൗതം അദാനിയുടെ ആസ്തി ഏകദേശം പന്ത്രണ്ട് ലക്ഷം കോടി രൂപയാണ്. ഇന്ത്യന്‍ കോടീശ്വരന്‍മാരില്‍ രണ്ടാം സ്ഥാനത്തുള്ള മുകേഷ് അംബാനിയുടെ ആസ്ഥി 8800 കോടി ഡോളറാണ്. രാധാകൃഷ്ണന്‍ ദാമാനി, സൈറസ് പൂനവാല, ശിവ് നാടാര്‍ എന്നിവരാണ് ആദ്യ അഞ്ച് സ്ഥാനങ്ങളിലുള്ള ഇന്ത്യന്‍ കോടീശ്വരന്‍മാര്‍. ഇന്ത്യന്‍ കോടീശ്വരന്‍മാരുടെ പട്ടികയില്‍ മുപ്പത്തിയഞ്ചാം സ്ഥാനമാണ് ലുലു ഗ്രൂപ്പ് ചെയര്‍മാന്‍ എം.എ യൂസുഫലിക്കുള്ളത്. 405 കോടി ഡോളറുമായി മുത്തൂറ്റ് കുടുംബവും 360 കോടി ഡോളറിന്റെ സമ്പത്തുമായി ബൈജു രവീന്ദ്രനും രണ്ടും മൂന്നും സ്ഥാനങ്ങളിലെത്തി. 310 കോടി ഡോളറാണ് മലയാളികളില്‍ നാലാം സ്ഥാനത്തുള്ള ജോയ് ആലുക്കാസിന്റെ ആസ്ഥി.