കണ്ണൂര്‍: ജില്ലാ വെറ്ററന്‍സ് ഫുട്‌ബോളേഴ്‌സ് ഫോറത്തിന്റെ ആഭിമുഖ്യത്തില്‍ വെറ്ററന്‍സ് നോക്കൗട്ട് ഫുട്‌ബോള്‍ ടൂര്‍ണമെന്റിനു ജവഹര്‍ സ്റ്റേഡിയത്തില്‍ തുടക്കമായി. ആദ്യ മത്സരത്തില്‍ ആന്തൂര്‍ വെറ്ററന്‍സ് കാങ്കോല്‍ വെറ്ററന്‍സിനെ പരാജയപ്പെടുത്തി. ഷൂട്ടൗട്ടിലായിരുന്നു ആന്തൂരിന്റെ ജയം. നിശ്ചിത സമയത്ത് ഇരു ടീമുകളും ഗോളുകള്‍ അടിച്ചില്ല. ഇന്നു നടക്കുന്ന മത്സരത്തില്‍ ജില്ലാ വെറ്ററന്‍സിന്റെ സി ടീം തൃക്കരിപ്പൂര്‍ വെറ്ററന്‍സുമായി വൈകുന്നേരം അഞ്ചിന് ഏറ്റുമുട്ടും.  ടൂര്‍ണമെന്റ് മേയര്‍ ഇ.പി ലത ഉദ്ഘാടനം ചെയ്തു. ഫോറം പ്രസിഡന്റ് കെ.പി സുധാകരന്‍ അധ്യക്ഷനായി. വി രഘൂത്തമന്‍ സംസാരിച്ചു.