ദുബൈ ഡ്യൂട്ടി ഫ്രീയിൽ ഒരു ദിവസം സാധനങ്ങൾക്ക് 25% ഓഫർ; ഈ ദിവസം യാത്ര ചെയ്യൂ

ദുബൈ: ദുബൈ രാജ്യാന്തര വിമാനത്താവളങ്ങളിലെ ഡ്യൂട്ടി ഫ്രീയിൽ 25% നിരക്കിളവ് പ്രഖ്യാപിച്ചു. ഈ മാസം 20ന് ആണ് എല്ലാ സാധനങ്ങളും ഓൺലൈൻ ആയി 25 ശതമാനം ഓഫറോടെ ലഭിക്കുക. ഡ്യൂട്ടി ഫ്രീ സ്ഥാപനങ്ങളുടെ 40–ാം വാർഷികാഘോഷത്തിന്‍റെ ഭാഗമായാണ് ഓഫർ പ്രഖ്യാപിച്ചത്.

ഡിസംബർ 20 ന് വിമാനത്താവളങ്ങൾ വഴി യാത്ര ചെയ്യുന്ന എല്ലാവർക്കും കിഴിവ് സ്വന്തമാക്കാം. യാത്ര പുറപ്പെടുന്നതിന് 12 മണിക്കൂർ മുൻപെങ്കിലും ഓൺലൈനായാണ് ഷോപ്പിങ് നടത്തേണ്ടത്. ഓൺലൈൻ ഷോപ്പിങ് നടത്തിയതിന് ശേഷം യാത്രക്കായി വിമാനത്താവളങ്ങളിൽ എത്തുമ്പോൾ അവിടെ നിന്നും സാധനങ്ങൾ എടുക്കാം. ഇതിനായി ദുബൈ ഡ്യൂട്ടി ഫ്രീയിൽ നിയുക്ത കളക്ഷൻ പോയിന്‍റുകളിൽ ഒരുക്കും.

ദുബൈ രാജ്യാന്തര വിമാനത്താവളങ്ങൾ, അൽ മക്തൂം രാജ്യാന്തര വിമാനത്താവളം എന്നിവിടങ്ങളിൽ ഈ ആനുകൂല്യം ലഭ്യമാണെന്ന് അധികൃതർ അറിയിച്ചു. ലോകത്തെ പ്രമുഖ ബ്രാൻഡുകളുടെ ഉത്പന്നങ്ങൾ വിലക്കിഴിവിൽ ഇവിടെ നിന്ന് സ്വന്തമാക്കാനാകും. ബ്യൂട്ടി, ഫാഷൻ, വാച്ചുകൾ, ടെക്നോളജി ഉത്പന്നങ്ങൾ, ജ്വല്ലറി, ഭക്ഷണം തുടങ്ങി സാധനങ്ങളുടെ ഒരു നീണ്ട നിര തന്നെ ദുബൈ ഡ്യൂട്ടി ഫ്രീയിൽ ലഭ്യമാണ്. അതിനാൽ പല സാധനങ്ങളും കുറഞ്ഞ വിലയിൽ വാങ്ങാൻ ഇതാണ് മികച്ച അവസരം.