ആലുവയില്‍ അതിഥി തൊഴിലാളികളുടെ 12 വയസുകാരി മകളെ കാണാതായി. ആലുവ എടയപ്പുറത്തെ കീഴുമാട് നിന്ന് ഞായറാഴ്ച വൈകിട്ടോടെയാണ് കുട്ടിയെ കാണാതാകുന്നത്. കടയിലേക്ക് സാധനം വാങ്ങാന്‍ പോയ കുട്ടിയെ പിന്നീട് കാണാതാവുകയായിരുന്നു. ബംഗാള്‍ സ്വദേശികളായ മാതാപിതാക്കളാണ് കുട്ടിയുടേത്.

 ഈ പ്രദേശത്ത് നിന്ന് 3 അതിഥി തൊഴിലാളികളെക്കൂടി കാണാതായതായി പൊലിസിന് വിവരം ലഭിച്ചിട്ടുണ്ട്. ഇവര്‍ കുട്ടിയെ തട്ടിക്കൊണ്ടു പോയതായി സംശയിക്കുന്നുണ്ട്. സംഭവത്തില്‍ പൊലിസ് കേസെടുത്തിട്ടുണ്ട്.