സംസ്ഥാനത്ത് രക്തം ശേഖരിക്കുന്നത് മുതല് നല്കുന്നത് വരെ നീരീക്ഷിക്കാന് കഴിയുന്ന അത്യാധുനിക സംവിധാനം
തിരുവനന്തപുരം: സംസ്ഥാനത്ത് രക്തം ശേഖരിക്കുന്നത് മുതല് നല്കുന്നത് വരെ നിരീക്ഷിക്കാന് പ്രത്യേക സംവിധാനം. അത്യാധുനിക ബ്ലഡ് ബാഗ് ട്രേസബിലിറ്റി സംവിധാനമാണ് നടപ്പിലാക്കുന്നതെന്ന് ആരോഗ്യമന്ത്രി വീണാ ജോര്ജ് വ്യക്തമാക്കി.
വെയിന് ടു വെയിന് ട്രേസബിലിറ്റി സാങ്കേതികവിദ്യയാണ് ഉപയോഗിക്കുന്നത്. ഇതിലൂടെ താപനില കൃത്യമായി തിരിച്ചറിയാനും കാലാവധി കഴിഞ്ഞ് രക്തം നഷ്ടമാകാതിരിക്കാനും സാധിക്കുന്നു. ട്രയല് റണ് വിജയകരമായതിനെ തുടര്ന്ന് സംസ്ഥാനത്തെ 42 സര്ക്കാര് ബ്ലഡ് ബാങ്കുകളിലും 57 ബ്ലഡ് സ്റ്റോറുകളിലും ഈ സംവിധാനം നടപ്പിലാക്കാനുള്ള പരിശ്രമത്തിലാണ് ആരോഗ്യ വകുപ്പെന്നും മന്ത്രി വ്യക്തമാക്കി.
സാധാരണ രക്തം സൂക്ഷിക്കുന്നത് 2 മുതല് 8 ഡിഗ്രി താപനിലയിലാണ്. ഈ താപനിലയില് നിന്നും കുറഞ്ഞാലോ കൂടിയാലോ രോഗിയുടെ ശരീരത്തില് റിയാക്ഷന് ഉണ്ടാകും. ഈ സാങ്കേതിക വിദ്യയിലൂടെ കൃത്യമായ താപനില നിരീക്ഷിക്കാന് കഴിയുന്നു. ഇതിനായി ബ്ലഡ് ബാഗില് ആര്.എഫ്.ഐ.ഡി ലേബല് ഘടിപ്പിക്കുന്നു.
ഇതിലൂടെ ആ രക്തത്തിന്റെ താപനില കൂടിയാലോ കുറഞ്ഞാലോ രജിസ്റ്റര് ചെയ്ത മൊബൈലിലോ ഇ മെയിലിലോ മെസേജ് വരുന്നു. ഉടന് തന്നെ ആ രക്തം പിന്വലിക്കാന് സാധിക്കുന്നു. മാത്രമല്ല ഗുണമേന്മ ഉറപ്പാക്കാനും ഇതിലൂടെ സാധിക്കുന്നു. രക്തം എക്സ്പിയറി ഡേറ്റ് കഴിയാതെ കൃത്യമായി പോര്ട്ടലിലൂടെ ഓര്മ്മിപ്പിക്കാനും ഈ സാങ്കേതികവിദ്യയിലൂടെ സാധിക്കുന്നു. അതിനാല് തന്നെ പാഴാവുന്ന രക്തം പരമാവധി കുറയ്ക്കാനും സാധിക്കും.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."